Fréttir

Undirbúningur framkvæmda á Hrólfsskálamel er á fullum skriði og var lóðasamningur milli Seltjarnanesbæjar og Íslenskra aðalverktaka undirritaður í febrúar.

Nemendur í Tónlistarskóla Seltjarnarness héldu á þriðjudaginn tónleika fyrir nemendur á leikskólum Seltjarnarness. Tónleikarnir voru haldnir á Mánabrekku og var komu nemendur Sólbrekku í heimsókn af því tilefni.

Langtímafjárhagsáætlun Seltjarnarnesbæjar fram til ársins 2010 var samþykkt við seinni umræðu á bæjarstjórnarfundi í byrjun febrúar. Minnihlutinn sat hjá við atkvæðagreiðsluna. Áætlunin gerir ráð fyrir umtalsverðum framkvæmdum öll árin en jafnframt er gert ráð fyrir rekstrarafgangi af bæjarsjóði

Fasteigna- og þjónustugjöld eru lægst á Seltjarnarnesi á höfuðborgarsvæðinu og nær helmingi lægri en á Álftanesi þar sem gjöldin eru hæst. Fasteignamat hækkaði um 20% á síðasta ári en sveitarfélögin á höfuðborgarsvæðinu hafa fæst lækkað álagningarstuðulinn til samræmis við það

Bæjarstjórn Seltjarnarness hefur að frumkvæði meirihlutans samþykkt umtalsverða breytingu á gjaldskrá leikskóla Seltjarnarness. Í breytingunum felst 10% lækkun á grunngjaldi, 50% hækkun systkinaafslátta auk um 30-60% hækkunar á framlögum til einkarekinna leikskóla. Breytingarnar taka gildi frá og með 1. apríl næst komandi.

Á fundi foreldrafélags Valhúsaskóla þriðjudaginn 27. febrúar voru niðurstöður könnunar Rannsóknar og Greiningar á líðan ungs fólks á Seltjarnarnesi kynntar. Álfgeir Logi Kristjánsson hjá Rannsókn og Geiningu og lektor við Háskólann í Reykjavík kynnti niðurstöður.

Foreldraráð og foreldrafélag Grunnskóla Seltjarnarness vilja vekja athygli á nýrri heimasíðu svæðaráðsins á Seltjarnarnesi, www.nesforeldrar.is

Seltjarnarnesbær, Mosfellsbær og Reykjavík hafa í samstarfi við bókasöfn viðkomandi sveitarfélaga styrkt bókagjöf til allra barna sem koma í þriggja og hálfs árs skoðun á heilsugæslustöðvarnar.

Samkvæmt fjárhagsáætlun verður fyrsti áfangi af fjórum í gagngerum endurbótum á gangstéttum og götum bæjarins meðal helstu verkefna sumarsins.

Í kjölfar samþykktar deiliskipulags skóla- og íþróttasvæða í byrjun árs hefur verið hafist handa við hönnunarvinnu vegna fyrirhugaðra breytinga á skólalóðum Grunnskólans.Grunnskólans

Hafinn er undirbúningur við lokaáfanga endurnýjunar Mýrarhúsaskóla en verkefnið hefur staðið yfir um nokkurra ára skeið. Í sumar verður neðsta hæðin endurnýjuð og er það viðamesti hluti endurnýjunarinnar.

Undirbúningur er hafinn að byggingu áhorfendastúku og aðstöðu fyrir knattspyrnumenn við gervigrasvöllinn. Ákvörðun var tekin um framkvæmdina á vordögum 2005. Verkefnið er stærsta framkvæmdaverkefni bæjarins á þessu ári og nemur áætlaður kostnaður við það um 150 milljónum króna samkvæmt fjárhagsáætlun bæjarins.