Reglur um kjör íþróttamanns Seltjarnarness í karla og kvennaflokki

1. Íþrótta- og tómstundaráð Seltjarnarness gengst fyrir útnefningu á íþróttamanni og íþróttakonu Seltjarnarness í janúarmánuði ár hvert.
2. Íþróttamaður og íþróttakona Seltjarnarness fá farandbikar sem skal vera í vörslu þeirra í eitt ár ásamt eignabikar.
3. Einnig fá íþróttamaður og íþróttakona Seltjarnarness peningastyrk að upphæð kr. 100.000.- sem er ætlaður sem hvatning til enn betri afreka í framtíðinni.
4. ÍTS óskar eftir tilnefningum frá íþróttafélögum á Seltjarnarnesi svo og almenningi.
5. Aðeins skal tilnefna þá íþróttamenn sem eiga lögheimili á Seltjarnarnesi þegar kjörið fer fram.
6. Útnefndur er einn úr hópi kvenna og einn úr hópi karla sem bera skulu titilinn í eitt ár.
7. Val á íþróttamanni og íþróttakonu Seltjarnarness skal taka mið af árangri en einnig hvort viðkomandi sé jákvæð og virðingarverð fyrirmynd í hátterni, líferni og líklegur til þess að hefja íþróttir og íþróttaiðkun til vegs og virðingar.
8. Viðurkenningar eru veittar Seltirningum sem keppt hafa í unglingalandsliðum.
9. Viðurkenningar eru veittar ungu og efnilegu íþróttafólki fyrir ástundun og árangur.
10. Afhending viðurkenninganna skal fara fram með viðhöfn og er það í höndum formanns ÍTS í hvert sinn að stjórna dagskránni.

Samþykkt í Íþrótta- og tómstundaráði Seltjarnarnes 6. desember 2024

Staðfest í bæjarstjórn Seltjarnarness 11. desember 2024