Margvísleg þjónusta er í boði fyrir aldraða á Seltjarnarnesi er miðar að því að tryggja elstu kynslóð bæjarfélagsins áhyggjulaust ævikvöld.
Lögð er áhersla á fjölbreytta þjónustu innan sem utan heimilis íbúanna.
Heimaþjónusta
- Heimaþjónusta er veitt öldruðum, öryrkjum og öðrum þeim sem ekki geta vegna heilsubrests annast dagleg heimilisstörf.
- Markmiðið með heimaþjónustu er að aðstoða einstaklinga og fjölskyldur sem geta ekki hjálparlaust séð um heimilishald sitt sjálfir.
- Þjónustan getur verið tímabundin eða til lengri tíma, allt eftir aðstæðum.
- Hægt er að sækja um heimaþjónustu í gegnum mínar síður
- Þjónustuþörf er metin í hverju tilviki af viðkomandi starfsmanni.
- Matið er gert með heimsókn á heimili umsækjanda þar sem lagt er mat á þörf og umfang þjónustunnar.
- Nánari upplýsingar í síma 5959134 og 822 9158 á milli kl. 9:00 og 14:30.
Reglur og gjaldskrá
Félagsstarf aldraðra
- Fjölbreytt félagsstarf fer fram í þjónustukjarnanum að Skólabraut 3-5 sem og víðar á Seltjarnarnesi.
- Boðið er upp á margvísleg tómstundastörf þar sem allir geta fundið eitthvað við sitt hæfi.
- Má þar nefna hverskyns handavinnu, útskurð, bókband, leirlist, glerlist og glerbræðslu.
- Þá eru spilakvöld, dans og jóga, söngstundir auk þess sem farið er í leikhús og ferðalög.
- Bingó, billiard, pútt og fjölmargt fleira áhugavert í gangi.
Hér má skoða má dagskrá félagsstarfsins í heild sinni er hún er gefin út tvisvar á ári, fyrir haustönn og vorönn.
Dagvist aldraðra
- Starfrækt er dagvist fyrir aldraða á Hjúkrunarheimilinu Seltjörn að Safnatröð 1.
- Dagvistin er opin frá kl. 8:00 - 16:00 alla virka daga.
- Lögð er áhersla á góða samveru og félagsskap.
- Frekari upplýsingar um dagþjálfun veitir forstöðumaður dagvist aldraðra á Seltjörn, í síma 852 1180
- Einnig er hægt að senda fyrirspurn á tölvupóstfang dagdeildseltjorn@sunnuhlid.is
Heimsending málsverða - mötuneyti
Hárgreiðsla og snyrting
- Í þjónustukjarna er boðið upp á hárgreiðslu, fótsnyrtingu og aðstoð við böðun.
Niðurgreidd sjúkraþjálfun aldraðra
- Seltjarnarnesbær greiðir hlut ellilífeyrisþega í sjúkraþjálfun.
- Skilyrði er að viðkomandi sé orðinn 67 ára, búsettur á Seltjarnarnesi og að viðkomandi sé í meðferð sé hjá löggiltum sjúkraþjálfara
- Endurgreiðslur fara þannig fram að viðkomandi ellilífeyrisþegi greiðir sinn hlut sjálfur hjá viðkomandi sjúkraþjálfara en framvísar síðan greiddum reikningi á Bæjarskrifstofum Seltjarnarness, Austurströnd 2 ásamt því að fylla út beiðni um endurgreiðslu
- Greiðsla eru lögð inn á reikning viðkomandi innan þriggja vikna.
Búsetumál aldraðra
Skólabraut 3-5
- Á Skólabrautinni eru 38 íbúðir fyrir eldri borgara.
- Flestar íbúðirnar eru eignaríbúðir en einnig eru nokkrar leiguíbúðir.
- Seltirningar, 65 ára og eldri, hafa forkaupsrétt að þessum íbúðum.
Eiðismýri 30
- Í Eiðismýrinni eru 26 íbúðir fyrir 60 ára og eldri.
- Þar er húsvörður með viðveru hluta úr degi.
Hjúkrunarheimili – vistun aldraðra
- Aldraðir sem þarfnast vistunar á hjúkrunarheimili eða dvalarheimilum þurfa að óska eftir vistunarmati.
- Eyðublað má fá hjá félagsþjónstunni og einnig á þessum heimasíðum: landlaeknir.is og island.is.
- Á höfuðborgarsvæðinu er umsókn send Vistunarmatsnefnd, Heilsugæslu höfuðborgarsvæðisins, Þönglabakka 1, 109 Reykjavík.
- Vistunarmatsnefnd er skipuð öldrunarlækni, félagsráðgjafa og hjúkrunarfræðingi.
- Þegar umsókn um vistunarmat er samþykkt er umsækjanda boðið að tilgreina óskir um að lágmarki fjögur hjúkrunarheimili.
Hjúkrunarheimilið Eir
- Seltjarnarnesbær á hlut í hjúkrunarheimilinu Eir og hafa aldraðir Seltirningar sem þurfa hjúkrunarvistun dvalist þar.
- Þá hefur bæjarfélagið aðgang að nokkrum rýmum á Hrafnistu í Laugarási og hafa eldri bæjarbúar einnig dvalist þar.
Á Skólabraut 3-5 eru íbúðir aldraðra með þjónustukjarna og þar fer stór hluti af félagsstarfi eldri bæjarbúa fram. Dagvist aldraðra er á hjúkrunarheimilinu Seltjörn við Sefgarða.
Skólabraut 3-5
Hjúkrunarheimilið Seltjörn