Sundlaug Seltjarnarness er staðsett í Íþróttamiðstöðinni við Suðurströnd og er í nánum tengslum við íþróttahúsið, knattspyrnuvöllinn, grunnskólann og World Class.
Íþrótta- og tómstundafulltrúi: Haukur Geirmundsson
Sérstaða sundlaugarinnar
Sundlaug Seltjarnarness er einstök en sérstaða hennar er hið steinefnaríka vatn sem notað er beint frá borholu Hitaveitu Seltjarnarness. Efnasamsetning vatnsins fer vel í viðkvæma húð og exem. Sundlaugin býður upp á fjölbreytta aðstöðu utandyra og eiga allir að geta fundið eitthvað við sitt hæfi, hvort sem fólk kemur til þess að synda, leika sér, slaka á í mjúku vatninu, skella sér í kaldan pott eða ræða heimsmálin í heitu pottunum.
Aðstaða sundlaugarinnar
- 25 metra sundlaug með 4 sundbrautum - hitastig 29°C.
- 48 m 2 barnalaug 90cm djúp - hitastig 35°C.
- Barnavaðlaug 40cm djúp - hitastig 36-38°C.
- 4 heitir pottar þar af einn nuddpottur - hitastig frá 38-44°C
- 2 kaldir pottar - hitastig 4-8°C.
- Eimbað - hitastig 40-50°C.
- Rennibraut.
- Leiktæki fyrir börn
- Útiskýli.
- Klefi fyrir fatlaða og eldri borgara sem geta verið með aðstoðarmanneskju óháð kyni
Afþreying í boði
- Sundleikfimi 4x í viku, allir velkomnir: mánudaga og miðvikudaga kl. 18.30 - 19.00 og þriðjudaga og fimmtudaga kl. 07:10.
- Sundflot 1x í viku.
- Sundæfingar hjá sunddeild KR.
- Skriðssundsnámskeið fyrir fullorðna.
- Nuddstofa er opin alla virka daga.
- World Class rekur glæsilega heilsurækt í beinum tengslum við sundlaugina og þar er boðið uppá ýmsa tíma bæði í tækjasal og íþróttasölum.
Afgreiðslutímar á almennum frídögum
| Frídagur | Opnunartími |
| Nýársdagur | Lokað |
| Skírdagur | 8:00 - 19:30 |
| Föstudagurinn langi | Lokað |
| Páskadagur | Lokað |
| Annar í páskum | 8:00 - 19:30 |
| Verkalýðsdagurinn, 1. maí | Lokað |
| Uppstigningardagur | 8:00 - 19:30 |
| Hvítasunnudagur | 8:00 - 19:30 |
| Lýðveldisdagurinn, 17. júní | Lokað |
| Frídagur Verslunarmanna | 8:00 - 19:30 |
| Þorláksmessa | 6:30 - 19:30 |
| Aðfangadagur jóla | 8:00 - 12:30 |
| Jóladagur | Lokað |
| Annar í jólum | Lokað |
| Gamlársdagur | 8:00 - 12:30 |
Árleg vorlokun sundlaugar
- Sundlaug Seltjarnarness lokar á ári hverju í 5 virka daga í maí vegna viðhalds og þrifa.
- Nákvæm tímasetning er auglýst sérstaklega.