Í Kortasjá Seltjarnarnesbæjar er haldið utan um upplýsingar um staðsetningu stólpa, legu strengja og tengingar við dreifistöðvar.
Fyrirtækið Ljóstvistar sér um viðhald og rekstur götulýsingar á höfuðborgarsvæðinu og þar með talið á Seltjarnarnesi, en eigendur götuljósakerfisins eru sveitarfélögin, Vegagerðin og einkaaðilar.
Fyrirtækið heldur einnig utan um peruskipti, bilanir og framkvæmd viðhalds. Lýsing á götum, gangstígum, bílastæðum og lóðum er meðal þeirra gæða sem við göngum út frá í okkar daglega lífi og vaka íbúar gjarnan yfir gæðum lýsingar.
Ýmsar ástæður geta verið fyrir því að götuljós loga ekki og oftast er það vegna þess að pera er farin, en einnig geta önnur tæknileg atriði verið að trufla eins og bilun í streng eða í spennistöð.
Hægt er að koma ábendingum um dauðar perur o.s.frv. með því að senda ábendingu á netfangið ljos@ljostvistar.is (ágætt að þar komi staðsetning á stólpa, t.d. heimilisfang og útskýring á því hvað er í ólagi t.d. dauð pera eða hallandi stólpi o.s.frv.).
Ef upp koma mál sem eru flóknari í úrlausn þá má hafa samband við Svanborgu Hilmarsdóttur, netfang: svanborg@tvistar.is