Vinnuskóli Seltjarnarnesbæjar býður upp á sumarstarf fyrir 14-17 ára ungmenni.
Vinnuskólinn er fyrir ungmenni í 8.-10. bekk og 17 ára. Vinnuskólinn stendur yfir í 6 vikur (júní-júlí) og vinnuvikan er frá mánudegi til fimmtudags. Vinnutíminn er frá 8:30 til 16:30 með klukkutíma hádegishléi en fjöldi vinnustunda miðast við aldur. Vinnuskólinn 2024 hefst mánudaginn 10. júní.
Margvísleg verkefni skólans snúa mest að fegrun og hreinsun umhverfisins á Seltjarnarnesi. Skólastjóri er Helga Hvanndal Björnsdóttir, verkefnastjóri umhverfismála hjá Seltjarnarnesbæ. Ennfremur getur verið þörf fyrir störf ungmenna á leikjanámskeiðum sem er nú í höndum Íþróttafélagsins Gróttu og á golfvellinum sem er í höndum Nesklúbbsins.
Vinnuskólinn sumarið 2024
Þau ungmenni sem skráð eru í Vinnuskólann mæta til vinnu frá og með mánudeginum 10. júní og er fyrirkomulagið sem hér segir:
2007 árgangur
- Mæting kl. 08:30 á Vallarbrautarróló
- Vinnutímabilið er frá 10. júní til 18. júlí 2024
- Vinnuvikan er frá mánudegi til fimmtudags
- Vinnutími er frá kl. 08:30 -16:30 með klukkutíma hádegishléi
2008 árgangur
- Mæting kl. 08:30 á Vallarbrautarróló
- Vinnutímabilið er frá 10. júní til 18. júlí 2024
- Vinnuvikan er frá mánudegi til fimmtudags
- Vinnutími er frá kl. 08:30 -16:30 með klukkutíma hádegishléi
2009 árgangur
- Mæting kl. 08:30 á Vallarbrautarleikvöll
- Vinnutímabilið er frá 10. júní til 18. júlí 2024
- Vinnuvikan er frá mánudegi til fimmtudags
- Vinnutími er frá kl. 08:30 - 12:00
2010 árgangur
- Mæting kl. 13:00 á Vallarbrautarleikvöll
- Vinnutímabilið er frá 10. júní til 18. júlí 2024
- Vinnuvikan er frá mánudegi til fimmtudags
- Vinnutími er frá kl. 13:00 - 16:30
Laun og útborgunardagar
- Launakjör eru skv. upplýsingum launa- og mannauðsdeildar Seltjarnarnesbæjar
- Útborgunardagar eru:
1. júlí fyrir tímabilið 10. júní - 14. júní
1. ágúst fyrir tímabilið 17. júní - 18. júlí (yngri árgangar fá fullnaðaruppgjör) - Fyrirspurnum er svarað í gegnum launadeild@seltjarnarnes.is
Tímakaup 2024
| Aldur | Launataxti pr. klst. |
| 13 - 14 ára (f. 2010) - 8. bekkur | 798 kr. án orlofs |
| 14 - 15 ára (f. 2009) - 9. bekkur | 1.064 kr. án orlofs |
| 15 - 16 ára (f. 2008) - 10. bekkur | 1.330 kr. án orlofs |
Reglur Vinnuskólans
Reglur vinnuskólans eru ekki margar en eru engu að síður mikilvægar.
- Stundvísi skiptir öllu máli
- Mæta klædd eftir veðri
- Vera helst ekki með símann nema nauðsynlegt sé
- Ganga vel um verkfærin og umhverfið
- Hafa hjálm ef mætt er á hjóli
- Öll notkun tóbaks og nikótíns er bönnuð, sama á hvaða formi það er, sem og neysla orkukrykkja.
Félagslíf Vinnuskólans
Góður starfsandi, virðing og gleði eru mikilvæg í vinnuskólanum og stendur Vinnuskólinn fyrir viðburðum yfir sumarið þar sem markmiðið er að unglingarnir og flokkstjórarnir njóti dagsins saman. Unglingarnir fá þessa daga borgaða en flokkstjórar sitja í undirbúningsnefnd og sjá um skipulagningu daganna. Dæmi um viðburð er íþrótta- og leikjadagur.
Vinnuskóli Seltjarnarnesbæjar - starfræktur í yfir 50 ár.
Skólastjóri Vinnuskólans var lengst af Steinunn Árnadóttir garðyrkjustjóri en núverðandi skólastjóri er Ingimar Ingimarsson garðyrkjustjóri Seltjarnarnesbæjar. Vinnuskólinn er starfsstaður á annað hundrað barna og leiðbeinenda. Vinnuskólinn leggur metnað í að kynna fyrir nemendum sínum margskonar störf og verklag, þó sérstaklega almenn garðyrkjustörf. Markmiðið er að nemendurnir fái innsýn í atvinnulífið sem geti undirbúið þau fyrir áskoranir framtíðarinnar. Lagt er áherslu á að unglingarnir mæti á réttum tíma og taki fyrirmælum frá sínum yfirmönnum. Þrátt fyrir að markmiðið sé metnaðarfullt er grínið og gamanið ekki langt undan og er einnig lagt áhersla á að vinna sé líka skemmtileg og eru til þess gerðir viðburðir til að ýta undir það. Starfsstöð vinnuskólans er á Vallarbrautarleikvelli
Nánari upplýsingar:
Fyrirspurnum er svarað í gegnum vinnuskoli@seltjarnarnes.is og launadeild@seltjarnarnes.is
Einnig má hafa samband við Þjónustuver Seltjarnarnesbæjar í síma 5959 100.