Sorphirða á Seltjarnarnesi

Sorphirðudagatal 2025

Á sorphirðudagatali fyrir árið 2025 má sjá hvernig losun úrgangs er samkvæmt því flokkunarkerfi sem nú gildir. Tíðni sorphirðu Terra við heimili á Seltjarnarnesi er með þeim hætti að hirðutíðni fyrir pappír/pappa og plastumbúðir er á 21 dags fresti og hirðutíðni fyrir matarleifar og blandaðan úrgang er áfram á 14 daga fresti.

Sorphirðudagatal fyrir 2025

Hverfaskipting fyrir losun á pappír og plasti:

Svæði 1 = Gulir dagar
Eiðistorg, Austurströnd, Víkurströnd, Fornaströnd, Látraströnd, Barðaströnd, Vesturströnd, Bollagarðar, Hofgarðar, Sævargarðar, Sefgarðar, Nesbali, Neströð, Lindarbraut, Unnarbraut, Miðbraut.

Svæði 2 = Rauðir dagar
Nesvegur, Grænamýri, Suðurmýri, Tjarnarmýri, Eiðismýri, Kolbeinsmýri, Tjarnarstígur, Tjarnarból, Lambastaðabraut, Hamarsgata, Skerjabraut, Sæbraut, Sólbraut, Selbraut, Kirkjubraut, Skólabraut, Steinavör, Hrólfsskálavör, Bakkavör, Valhúsabraut, Melabraut, Vallarbraut, Íþróttahús, Heilsugæsla.

Sorphirðudagatal 2025 fyrir djúpgáma

Losun sorps - nýtt flokkunarkerfi

Í júní árið 2021 var samþykkt á Alþingi lagabreyting á lögum um meðhöndlun úrgangs sem tók gildi 1. janúar 2023. Henni fylgdu breytingar á flokkun sorps alls staðar á landinu. Hér á Seltjarnarnesi hófst flokkun samkvæmt nýja flokkunarkerfinu haustið 2023 eftir að öll heimili höfðu fengið viðeigandi flokkunarílát við heimili sín. Matarleifar og blandaður úrgangur er tæmdur á 14 daga fresti og plastumbúðir og pappír á 28 daga fresti. Sjá nánar á sorphirðudagatali.

Nánar um nýtt flokkunarkerfi 2023.

Flokkun og umgengni um sorp

Ítarlegar upplýsingar um flokkun sorps má finna á sorpa.is og terra.is en hér eru þær helstu:

Sjá myndband Sorpu um plastflokkun

• Í pappírstunnurnar má setja allan pappírs og pappaúrgang, svo sem dagblöð, tímarit, fernur, sléttan pappa, eggjabakka, skrifstofupappír, pizzukassa og bylgjupappa.
• Mikilvægt er að skola fernur og sjá til þess að ekki séu matarleifar á pappanum.
• Pappírstunnan er innifalin í sorphirðugjaldi sem innheimt er með fasteignargjöldum.
• Allt plast er sett saman í lokaða plastpoka að eigin vali og pokanum hent beint í sorptunnuna (orkutunna).
• Í Sorpu eru plastpokarnir flokkaðir sérstaklega frá öðru rusli og plastinu komið í endurvinnslu.
• Mikilvægt er að gengið sé frá öllu sorpi í lokaða poka.
• Spilliefni, málmar, timbur og aðrir stórir og þungir hlutir sem skemmt geta tækjabúnað mega ekki fara í sorptunnuna en eiga að fara í endurvinnslustöð.
• Æskilegast er að staðsetja sorpílát í innbyggðum sorpgeymslum, en að öðrum kosti að festa þau tryggilega, þó þannig að auðvelt sé fyrir sorphirðumenn að nálgast þau.
• Á vetrum ber húseigendum að hreinsa snjó frá sorpgeymslum og þeirri leið sem flytja þarf sorpílát um innan lóðar.

Aukatunnur / ný tunna eða lok

• Hægt er að sækja um aukatunnur ef þörf krefur og er greitt fyrir þær samkvæmt gjaldskrá.
• Einnig er hægt að óska eftir nýrri tunnu eða loki ef núverandi tunna er skemmd.
• Hafa má samband við þjónustuver Seltjarnarnesbæjar í síma 5959 100 eða senda póst á netfangið postur@seltjarnarnes.is 

Endurvinnsla

Endurvinnslustöð Sorpu í Ánanaustum er opin alla daga frá kl. 12:30 - 18:30.

• Skilagjaldsskyldum umbúðum skal skila á endurvinnslustöðvar SORPU.
• Tekið er við skilagjaldsskyldum umbúðum á eftirtöldum endurvinnslustöðvum:
  • Ánanaust – Reykjavík,
  • Jafnasel – Reykjavík,
  • Blíðubakki- Mosfellsbær,
  • Breiðhellu í Hafnarfirði
  • Áhaldahúsið- Kjalarnesi (eingöngu móttaka skilagjaldskyldra umbúða)
• Góð ráð varðandi flokkun má finna á www.flokkum.is