Fréttir

Sérstök áhersla verður lögð á umfjöllun um öryggi í umferðinni í Grunnskóla Seltjarnarness dagana 4. og 6. maí. Kennarar munu leggja aukna áherslu á að ræða við nemendur um hættur í umferðinni og notkun hjálma ásamt því að vinna verkefni tengd umferðinni.

Föstudaginn 29. apríl sl. var haldin mikil uppskeruhátíð í leikskólanum Mánabrekku. sýnd voru verk barnanna sem þau hafa unnið í vetur. Allir veggir voru þakktir listaverkum og auðséð að mikil sköpun er í gangi í leikskólanum.

Hreinsunardagur á Seltjarnarnesi verður næstkomandi laugardag. Undirbúningur fyrir hreinsunardaginn er í fullum gangi.

Í sumar verður tekið upp áhættumat í vinnuskóla Seltjarnarnesbæjar en samkvæmt reglugerð um vinnu barna og unglinga er ætlast til að atvinnurekandi framkvæmi slíkt mat.

Í Mýrarhúsaskóla er danskennsla fastur liður á stundaskrá nemenda í 2.-6. bekk. Dagana 25. 26. og 27. apríl voru nemendasýningar í Íþróttahúsi Seltjarnarness. Fjöldi foreldra mætti til að horfa á börnin dansa undir dyggri stjórn danskennarans Heiðars Ástvaldssonar.

Rekstur Seltjarnarnesbæjar gekk vel á síðastliðnu ári. Ársreikningurinn var samþykktur við seinni umræðu á fundi bæjarstjórnar en samkvæmt honum var niðurstaðan sú að rekstur sveitarfélagsins var jákvæður um 114 milljónir króna.

Í sumar verður haldið áfram við gagngerar endurbætur við Mýrarhúsaskóla. Á síðasta ári var lokið við að utanhússviðhald og að auki tekið í notkun fullkomið nemendamötuneyti. Á næstu þremur árum verður eldri hluti skólans endurnýjaður að fullu og verður í sumar hafist handa við fyrstu hæðina.

Í tilefni af degi umhverfisins stóð Skólaskrifstofa Seltjarnarness fyrir fjölskyldudegi í Gróttu sunnudaginn 24. apríl sl. Mikill fjöldi gesta lagði leið sína út í eyjuna, naut veðurblíðunnar og náttúrufegurðarinnar, rannsakaði lífríkið og fór upp í vitann.

María Haraldsdóttir í 5.D er Reykjavíkurmeistari í hástökki og nemendur Mýrarhúsaskóla urðu sigursælir í vetrarmyndasamkeppni Menntagáttar

Framkvæmdir við ljósleiðaraverkefni ganga að mestu samkvæmt áætlun. Fyrir nokkru gerði Gallup viðhorfskönnun meðal Seltirninga en niðurstöður hennar verða nýttar við gerð endanlegrar verkáætlunar. Inngangstexti

Samstarfssamningur undirritaðum um sameiginlega kynningu á höfuðborgarsvæðinu Ferðamálasamtök höfuðborgarsvæðisins og sveitarfélög á höfuðborgarsvæðinu undirrituðu í gær, sumardaginn fyrsta, samstarfssamning um að vinna sameiginlega að upplýsingamiðlun, kynningu á viðburðum tengdum ferðaþjónustu og markaðssetningu höfuðborgarsvæðisins.

Slysavarnadeild kvenna á Seltjarnarnesi hefur að undanförnu unnið að gerð "eilífðardagatals" en það er dagatal sem hægt er að nota ár eftir ár þar sem vikudagarnir eru ekki settir inn á það og var þar dreift inn á hvert hús á Seltjarnarnesi