Í tilefni af degi umhverfisins stóð Skólaskrifstofa Seltjarnarness fyrir fjölskyldudegi í Gróttu sunnudaginn 24. apríl sl.
Mikill fjöldi gesta lagði leið sína út í eyjuna, naut veðurblíðunnar og náttúrufegurðarinnar, rannsakaði lífríkið og fór upp í vitann.
Nemendur í félagsmálafræði í Valhúsaskóla buðu upp á hljóðfæraleik og kaffi og vöfflur til sölu í Fræðasetrinu. Unglingar höfðu í nógu að snúast, góður rómur var gerður að veitingum og sölumenn ánægðir með afraksturinn, sem verður notaður til að fara í ferðalag.
Tvær myndir, sem auðvelda gestum að glöggva sig á örnefnum og kennileitum til allra átta voru 
ennfremur vígðar. Myndirnar, sem eru eftir Árna Tryggvason, ná annars vegar frá Snæfellsjökli að Henglinum og hins vegar frá Vífilsfelli til Miðnesheiðar.