Fréttir

Í kvöld efnir menningarnefnd Seltjarnarnesbæjar til léttrar Jónsmessugöngu sem hefst á Valhúsahæð kl. 20:30 og lýkur um kl. 22:30 við Seltjörn.

Iðkendur hjólabretta- og línuskautaíþrótta fengu langþráða aðstöðu til æfinga á Seltjarnarnesi á dögunum þegar nýr hjólabrettagarður var opnaður við Suðurströnd á dögunum.

Seltjarnarnesbær gaf á dögunum út Myndlykil þar sem finna má umfjöllun um úrval listaverka í eigu bæjarins. Í bókinni fjallar Dr. Ásdís Ólafsdóttir um verkin en textinn er byggður á pistlum er birst hafa á heimasíðu Seltjarnarnesbæjar.

Seltjarnarnesbær stóð á dögunum fyrir námskeiði í fyrstu hjálp í samstarfi við Slysavarnardeild kvenna á Seltjarnarnesi. Á námskeiðinu var farið yfir helstu atriði í fyrstu hjálp hvað gera skal þegar komið er að slysi eða þegar óhöpp eiga sér stað.

Seltjarnarnesbær hefur ákveðið að útvega öllum grunnskólakennurum sem kenna við skóla bæjarins fartölvur frá og með næsta hausti. Eðli kennslustarfsins er að mati bæjaryfirvalda með þeim hætti að kennarar munu hafa verulegt gagn af þeim sveigjanleika sem fartölvur skapa.

Á dögunum vígðu Jónmundur Guðmarsson, bæjarstjóri og formaður menningarnefndar bæjarins, Sólveig Pálsdóttir, nýtt útilistaverk með því að dýfa í það fótum. Verkið sem er eftir Ólöfu Nordal og nefnist Kvika, stendur á Kisuklöppum í fjörunni við Norðurströnd.

Framkvæmdir við sparkvöll með gervigrasi sem rísa mun á horni Lindarbrautar og Hofgarða á Seltjarnarnesi eru á fullum skriði. Lóðin sem völlurinn rís á er nefnd Snægerði og er í vesturhverfi Seltjarnarness.

Um 600 Seltirningar mættu í morgunverð á Eiðistorgi sem menningarnefnd bæjarins bauð til í tengslum við menningarhátíð 10.-12. júní.

Kynningargögn vegna íbúakosninga 25. júní verða borin í öll hús á Seltjarnarnesi laugardaginn 11. juní n.k.

Nemendur í 4. bekk Mýrarhúsaskóla á Seltjarnarnesi fóru í gróðusetningarferð á landsvæði Seltjarnarnesbæjar við Bolaöldu austan Sandskeiðs föstudaginn 3. júní s.l.