Fréttir

Finnur Ingi var útnefnur Íþróttamaður Gróttu á miðvikudaginn við hátíðlega athöfn í Hátíðarsal Gróttu.

Í stað þess að senda jólakort eins og Seltjarnarnesbær hefur gert um árabil var ákveðið í ár að láta andvirði jólakorta og sendingarkostnaðar renna til starfsemi Barna- og unglingageðdeildar og styrkja þannig gott málefni

Selkórinn hélt sitt árlega aðventukvöld aldraðra sl. miðvikudag og bauð þá eldri bæjarbúum til söngveislu. Kórinn söng nokkur lög undir stjórn Jóns Karls Einarsson þá fluttu börn úr Tónlistarskóla Seltjarnarness einnig jólalög.

Jólahátíðin nálgast hratt með tilheyrandi hátíðarhöldum og ánægjustundum. Af því tilefni býður bæjarstjórn öllum Seltirningum 70 ára og eldri til skötuveislu í Félagsheimili Seltjarnarness á Þorláksmessu.

Miklar endurbætur hafa átt sér stað á aðkomu og umhverfi Sundlaugar Seltjarnarness, fótboltavallar og heilsugæslunnar á árinu. Er nú verið að leggja lokahönd á hellulögn við hús heilsugæslunnar sem er prýði af. Framkvæmdum verður lokið á næstunni.

Tendruð voru ljós á jólatré sem stendur í nálægð við leikskóla bæjarins. Er tendrun jólaljósanna árlegur viðburður þar sem öll leikskólabörn á Seltjarnarnesi mæta við athöfnina og syngja jólalög.

Það var vel mætt á höfundakynningu í Eiðisskeri 18. nóvember sl. þegar Ármann Jakobsson, Árni Bergmann, Ólafur Haukur Símonarson og Ævar Örn Jósepsson lásu úr nýútkomnum verkum sínum

Birgir Finnbogason hefur verið ráðinn framkvæmdastjóri fjármála- og stjórnsýslusviðs Seltjarnarnesbæjar, varð hann fyrir valinu af þeim ríflega 30 sem sóttu um starfið.

 Vefur Seltjarnarnesbæjar er nú í fyrsta skipti í jólabúningi með aðstoð nemenda úr 4. og 5. bekk í Grunnskóla Seltjarnarness.

Nú er verið að setja niður jólatré bæjarins sem verða alls átta talsins og verða staðsett víðs vegar um bæinn. Fjögur þeirra eru ræktuð á Seltjarnarnesi. Þessi fjögur tré verða sett á lóðina við Mýrarhúsaskóla, nýja torgið við heilsugæslustöðina, opið svæði við Nesveg og Skerjabraut og fjórða tréð fer á flötina þar sem Lindarbraut og Suðurströnd mætast.

Árleg íþróttahátíð leikskólanemenda á Seltjarnarnesi var haldin í íþróttahúsi Gróttu í lok októbermánaðar. Nemendur leikskólanna Mánabrekku og Sólbrekku nutu sín vel í hinum ýmsu tækjum sem finnast í íþróttasalnum, klifruðu í rimlum, stukku yfir hestinn, hoppuðu á trompólíni og flugu ofan í fimleikagryfjuna.

Ljósleiðaraverkefni Seltjarnarnesbæjar sem og sú þjónusta sem bærinn veitir með rafrænum hætti hefur vakið athygli erlendis um nokkurt skeið en bærinn hefur verið meðlimur í alþjóðlegum samtökum rafrænna borga.