Samþykkt var á fundi bæjarstjórnar Seltjarnarness miðvikudaginn 24. júní að Ásgerður Halldórsdóttir forseti bæjarstjórnar taki við embætti bæjarstjóra Seltjarnarness frá og með 1. júlí nk.
Samþykkt var á fundi bæjarstjórnar Seltjarnarness miðvikudaginn 24. júní að Ásgerður Halldórsdóttir forseti bæjarstjórnar taki við embætti bæjarstjóra Seltjarnarness frá og með 1. júlí nk. þegar Jónmundur Guðmarsson lætur af embætti bæjarstjóra og tekur við starfi framkvæmdastjóra Sjálfstæðisflokksins.
Jónmundur er fæddur árið 1968 og hefur undanfarin sjö ár verið bæjarstjóri á Seltjarnarnesi og bæjarfulltrúi undanfarin ellefu ár.
Ásgerður hefur gegnt hlutverki forseta bæjarstjórnar frá árinu 2002. Hún er viðskiptafræðingur að mennt og starfar nú sem forstöðumaður fjárhagsdeildar Íslandsbanka, áður starfaði hún sem forstöðumaður hjá Tryggingamiðstöðinni.