Fréttir

ABC barnahjálp stendur árlega fyrir söfnun þar sem skólabörn safna fyrir nauðstödd börn í öðrum löndum.  Skólinn tekur þátt í söfnuninni með aðstoð 5. bekkinga, því það er öllum hollt að vinna að mannúðarmálum t.d. með því að safna fyrir bágstödd börn.

Morgunblaðið sagði frá því á dögunum að margt gott kæmi frá Seltjarnarnesi og þar væru Fönksveinarnir engin undantekning. Fönksveinarnir eru hljómsveit sem hafa að skipa unga tónlistarmenn sem eru í Tónlistarskóla Seltjarnarness.

Álagningarprósenta útsvars á Seltjarnarnesi er sem kunnugt er sú lægsta á höfuðborgarsvæðinu eða 12,10% í kjölfar ákvörðunar bæjarins um að nýta ekki nýfengna heimild sveitarfélaga til hækkunar útsvarsprósentu í 13,28%.

Engar hækkanir eru áformaðar á þjónustugjöldum stofnana Seltjarnarnesbæjar í fjárhagsáætlun ársins 2009. Allar gjaldskrár lækka því verulega að raungildi á árinu þar sem þær hafa ekki fylgt verðbólgu sem verið hefur hátt í þriðja tug prósentna undanfarna mánuði.

Fjárhagsáætlun Seltjarnarness fyrir árið 2009, sem að þessu sinni var unnin í góðri samvinnu meiri- og minnihluta, var samþykkt samhljóða við seinni umræðu á fundi bæjarstjórnar Seltjarnarness laust fyrir jól.

Bæjarstjórn hefur samþykkt samhljóða að auglýsa fyrirliggjandi tillögu að breytingu á aðalskipulagi Seltjarnarness 2006-2024 vegna byggingar á þrjátíu hjúkrunarrýmum fyrir eldri Seltirninga ásamt dagvist aldraðra og annarri stoðþjónustu.

Finnur Ingi var útnefnur Íþróttamaður Gróttu á miðvikudaginn við hátíðlega athöfn í Hátíðarsal Gróttu.

Í stað þess að senda jólakort eins og Seltjarnarnesbær hefur gert um árabil var ákveðið í ár að láta andvirði jólakorta og sendingarkostnaðar renna til starfsemi Barna- og unglingageðdeildar og styrkja þannig gott málefni

Selkórinn hélt sitt árlega aðventukvöld aldraðra sl. miðvikudag og bauð þá eldri bæjarbúum til söngveislu. Kórinn söng nokkur lög undir stjórn Jóns Karls Einarsson þá fluttu börn úr Tónlistarskóla Seltjarnarness einnig jólalög.

Jólahátíðin nálgast hratt með tilheyrandi hátíðarhöldum og ánægjustundum. Af því tilefni býður bæjarstjórn öllum Seltirningum 70 ára og eldri til skötuveislu í Félagsheimili Seltjarnarness á Þorláksmessu.

Miklar endurbætur hafa átt sér stað á aðkomu og umhverfi Sundlaugar Seltjarnarness, fótboltavallar og heilsugæslunnar á árinu. Er nú verið að leggja lokahönd á hellulögn við hús heilsugæslunnar sem er prýði af. Framkvæmdum verður lokið á næstunni.

Tendruð voru ljós á jólatré sem stendur í nálægð við leikskóla bæjarins. Er tendrun jólaljósanna árlegur viðburður þar sem öll leikskólabörn á Seltjarnarnesi mæta við athöfnina og syngja jólalög.