Fréttir

Bæjarstjórn Seltjarnarness hefur snúið bökum saman og sammælst um nýjar forsendur fjárhagsáætlunar bæjarins á komandi ári í ljósi breyttra aðstæðna í efnahagslífinu. Bæjarstjórn Seltjarnarness ákvað á fundi sínum hinn 22. október sl. eftirfarandi: Gjaldskrár leikskóla, grunnskóla, heilsdagsskóla og almennrar velferðarþjónustu verða ekki hækkaðar. Engin hækkun verður á álagningarhlutfalli útsvars, nú 12,10%, né fasteignagjalda.

Framkvæmdum við fyrstu áfanga skólalóðar Grunnskóla Seltjarnarness - Mýrarhúsaskóla er að ljúka þessa dagana en í áföngunum var reistur stór gervigrasvöllur og umhverfi norðan skólans tekið í gegn.

Miklar framkvæmdir hafa staðið yfir á undaförnum árum við íþróttamannvirki bæjarins og umhverfi þeirra. Skemmst er að minnast glæsilegra endurbóta á Sundlaug Seltjarnarness, byggingar gervigrasvallar og heilsuræktar World Class sem hafa stórlega bætt aðstöðu til íþróttaiðkunar og heilsueflingar fyrir bæjarbúa.

Stjórn Samtaka sveitarfélaga á höfuðborgarsvæðinu ( SSH ) hélt aukafund miðvikudaginn 8. október til að ræða og fara yfir þá alvarlegu stöðu sem upp er komin í efnahagslífi þjóðarinnar og áhrifa þeirrar stöðu á rekstur og afkomu sveitarfélaganna.

Í upphafi skólaárs Tónlistarskóla Seltjarnarness ber að ýmsu að huga. Uppgjör vegna skólagjalda áttu sér stað í lok ágústmánaðar. Nánari upplýsingar um tilhögun skólaársins 2008-2009 er hægt að nálgast í síma skólans 5959 235.

Opnað hefur verið fyrir vefspjall við bæjarstjóra á vef bæjarins www.seltjarnarnes.is

Nýlega hefur viðburðadagatal verið opnað á vefsíðu Seltjarnarnesbæjar www.seltjarnarnes.is Viðburðardagatalið er opið öllum þeim sem vilja koma upplýsingum um viðburði sem viðkoma Seltjarnarnesbæ eða Seltirningum.

Á Bókasafni Seltjarnarness sl. vor opnaði myndlistasýningin Innblástur Íslands með verkum eftir Aleksöndru Babik á Bókasafni Seltjarnarness. Í lok sýningarinnar ákvað Aleksandra að færa Seltjarnarnesbæ verk eftir sig að gjöf.

Skólanefnd og skipulags- og mannvirkjanefnd Seltjarnarnesbæjar hafa undanfarin ár staðið sameiginlega fyrir umferðarátaki meðal skólabarna í við upphaf og lok skólaársins. Tilgangurinn er að vekja athygli á öryggi barnanna í umferðinni og reyna að draga úr mikilli umferð bifreiða við skólana.

Nú þegar skólinn er byrjaður þá er rétt að minna foreldra og börn á breyttan útivistartíma og hvetur Félagsþjónustan börn og foreldra þeirra að fara eftir þessum reglum. Einnig hvetur Félagsþjónustan foreldra að taka virkan þátt í foreldrarölti. Foreldraröltið hefur unnið frábært starf undandarin ár og er til fyrirmyndar.

Bæjarstjóri Seltjarnarness Jónmundur Guðmarsson, menntamálaráðherra Þorgerður Katrín Gunnarsdóttir, þjóðminjavörður Margrét Hallgrímsdóttir, formaður Læknafélags Íslands Birna Jónsdóttir og Anna K. Jóhannsdóttir ritari Læknafélags Reykjavíkur tóku fyrstu skóflustunguna að byggingu Lækningaminjasafns Íslands nú í morgun, föstudaginn 5. september. Safnið kemur til með að rísa á safnasvæði Seltjarnarness við Nesstofu.

Í ljósi frábærs árangurs íslenska landsliðsins í handknattleik þá ætlar 
íþrótta- og tómstundaráð Seltjarnarness í samvinnu við íþróttafélagið 
Gróttu að efna til fagnaðar í íþróttahúsinu á Seltjarnarnesi í fyrramálið 
sunnudag 24. ágúst. Má meðal annars geta þess að Guðjón Valur Sigurðsson 
spilaði lengi með íþróttafélaginu Gróttu á yngri árum og má segja að 
ferill hans hafi tekið stórt stökk af Seltjarnarnesi í atvinnumennsku. Þá 
hafa Aleksander Petterson og Hreiðar Levy Guðmundsson einnig æft og spilað 
með Gróttu.