Fréttir

Skólaskrifstofa Seltjarnarness hefur auglýst tvær stöður aðstoðarskólastjóra lausar. Gísli Ellerup og Marteinn Jóhannsson eru að láta af störfum í vor fyrir aldurssakir.

Bæjarstjórn Seltjarnarness staðfesti ársreikning bæjarsjóðs Seltjarnarness fyrir árið 2006 á fundi sínum hinn 25. apríl síðast liðinn. Samkvæmt ársreikningnum er afkoma og rekstur bæjarsjóðs árið 2006 sú besta sögu bæjarfélagsins en Seltjarnarnes býr nú við meiri fjárhagslegan styrk en flest sveitarfélög landsins.

Oft er sagt að gróður eigi erfitt uppdráttar á Seltjarnarnesi en meðfylgjandi myndir sem teknar voru í garði í Bakkavör nú í morgun, bera vott um annað.

Börn í leikskólanum Mánabrekku voru á leið niður í fjöru þegar ljósmyndari smellti mynd af þeim. Slíkar vettvangsferðir eru alltaf vinsælar hjá leikskólabörnum enda margt að að skoða og upplifa í næsta nágrenni leikskólans

Gróttudagurinn var haldinn 21. apríl og var að venju bæði ánægjulegur og fjölsóttur. Nokkur fjöldi gesta lagði leið sína út í eyjuna og naut náttúrufegurðarinnar, rannsakaði lífríkið, vitann og naut samvista við aðra gesti.

Fimmtudaginn 26. mars var flotbryggju komið fyrir smábátahöfninni við Bakkavör. Í fyrrahaust losnaði flotbryggjan í höfninni og var bryggjan í framhaldi af því tekin á land til að vinna að viðhaldi.

Menningarmálastofnun Sameinuðu þjóðanna (UNESCO) vinnur um þessar mundir að gerð staðla sem skilgreina eiga tæknifærni kennara. Markmið vinnunnar er að styðja við kennara og auka hæfni þeirra til að miðla þekkingu á tímum örrar tækniþróunar þar sem meðal annars er komin upp sú staða að nemendur þekkja betur til tækninnar en kennararnir.

Í dag veitti Siv Friðleifsdóttir, heilbrigðis- og tryggingamálaráðherra, SAMAN hópnum Íslensku lýðheilsuverðlaunin 2007 fyrir að leiða saman ólíka aðila til stuðnings íslenskum foreldrum í vandasömu uppeldishlutverki þeirra. Seltjarnarnesbær er aðili að SAMAN hópnum.

Gengið hefur verið frá samningi Seltjarnarnesbæjar og Vinnuverndar um trúnaðarlæknisþjónustu. Veitt er ráðgjöf varðandi læknisfræðileg málefni viðkomandi rekstri og varðandi fjarvistir í veikinda- og slysatilfellum.

Ákveðið hefur verið að útvíkka hinn árvissa hreinunardag á Seltjarnarnesi. Nú stendur átakið frá laugardeginum 28. apríl til laugardagsins 5. maí. Þessa viku leggja starfmenn áhaldahúss garðeigendum lið og fjarlægja garðaúrgang sem settu hefur verið út fyrir lóðarmörk.

Undanfarin ár hefur fjármálaráðuneytið verið tilraunaverkefni um rafræn skilríki í gangi. Nú þegar eru slík skilríki meðal annars þegar notuð við skil á tollskýrslum, skattskýrslum endurskoðenda og við undirritun nýrra vegabréfa.

Elstu meðlimir Skólalúðrasveitarinnar, svo kölluð C-sveit, hafa undanfarnar vikur verið við strangar æfingar undir stjórn Kára Einarssonar. Sveitin hefur starfað við skólann undanfarin 10 ár og komið fram við hin ýmsu tækifæri á Seltjarnarnesi og víðar