Fréttir

Heiðurskonur sem sækja handverks- vinnustofuna á Skólabraut mættu allar í einhverju bleiku til stuðnings rannsóknum á brjóstakrabbameini.

Breyting á deiliskipulagi fyrir íþrótta- og skólasvæði var samþykkt samhljóða á fundi bæjarstjórnar á dögunum. Breytingartillagan hefur farið í gegnum lögformlegt ferli sem grundvallast á skipulags- og byggingarlögum og hefur verið send Skipulagsstofnun til afgreiðslu.

Endurskoðuð fjárhagsáætlun Seltjarnarness fyrir árið 2007 var samþykkt á fundi bæjarstjórnar nýlega. Niðurstöður endurskoðaðar fjárhagsáætlunar bera með sér að fjárhagsstjórn bæjarsjóðs er í traustum skorðum.

Stór hluti fasteignarinnar að Skólabraut 1 hefur verið í eigu Seltjarnarnesbæjar um nokkurt skeið. Nýverið gekk bærinn hins vegar frá samningum um kaup á öllu húsnæðinu. Með kaupunum skapast svigrúm til að stækka enn frekar skólalóð Grunnskóla Seltjarnarness.

Bæjarstjórn Seltjarnarness hefur samþykkt viðamiklar breytingar á styrkjum, eða svokölluðum heimgreiðslum, til foreldra barna sem ekki hafa náð leikskólaaldri. Samkvæmt samþykktinni, er tekur gildi um áramót, mun bærinn greiða foreldrum styrk frá því foreldraorlofi lýkur. Heimgreiðslurnar eru skattfrjálsar samkvæmt lagabreytingum frá sl. áramótum.

Alþjóðlega verkefnið „Göngum í skólann“ var kynnt á dögunum en Grunnskóli Seltjarnaness leiðir verkefnið fyrir hönd Íslands sem tekur þátt í fyrsta sinn. Markmiði með verkefninu er að hvetja börn til aukinnar hreyfingar og auka færni þeirra í að ganga öruggustu leiðina í skólann.

Bæjarstjórinn á Seltjarnarnesi, menntamálaráðherra, Anna Guðný Ásgeirsdóttir fjármálastjóri Þjóðminjasafns Íslands fyrir hönd Þjóðminjavarðar og formenn Læknafélags Íslands og Læknafélags Reykjavíkur hafa undritað samning um byggingu og rekstur húsnæðis fyrir Lækningaminjasafn Íslands og aðra menningartengda starfsemi.

Fimmtudaginn 20. september fylgdust félagskonur í Slysavarnadeildinni Vörðunni á Seltjarnarnesi með umferð í kringum Mýrarhúsaskóla. Voru þær staðsettar á þeim stöðum sem foreldrar koma akandi með börnin sín og bentu á það sem betur mætti fara.

Ársskýrsla Seltjarnarness fyrir árið 2006 er komin út og hefur henni verið dreift á hvert heimili líkt og undanfarin ár.

Framkvæmdir við byggingu hjúkrunarheimilis á Lýsislóðinni á horni Grandavegar og Eiðisgranda eiga samkvæmt samningi að hefjast í byrjun næsta árs. Í maí 2006 var undirritað, að frumkvæði Seltjarnarnesbæjar, þríhliða samkomulag við Reykjavíkurborg og heilbrigðis- og tryggingamálaráðuneytið um byggingu á hjúkrunarheimili á Lýsislóðinni.

Fjölmargir nemendur og kennarar í Mýrarhúsaskóla hafa heimsótt Gróttu á undanförnum dögum. Nemendur hafa fundið sitthvað skemmtilegt og spennandi í fjörunni svo sem krabba, öðuskeljar, hörpudiska og mikið af kuðungum.

Vegna mikilla framkvæmda á Hrólfsskálamel um þessar mundir hefur nokkur umferð skapast í kringum framkvæmdasvæðið þegar foreldrar aka börnum sínum í skólann.