Fréttir

Nokkur umræða hefur verið að undanförnu um kennslu 5 ára barna í grunnskólum á höfuðborgarsvæðinu.

Bæjarstjóri Seltjarnarness undirritaði samning á dögunum við Gagarín um hönnun og uppsetningu margmiðlunarstanda á Seltjarnarnesi.

Langtímafjárhagsáætlun Seltjarnarnesbæjar fram til ársins 2011 var samþykkt með atkvæðum meirihlutans við seinni umræðu á bæjarstjórnarfundi í febrúar

Bæjarstjórn Seltjarnarness hefur samþykkt stefnu og framkvæmdaáætlun barnaverndar á kjörtímabilinu. Félagsmálaráð Seltjarnarness fer með verkefni barnaverndarnefndar og vann áætlunina ásamt starfsmönnum.

Bæjarstjórn Seltjarnarnesbæjar hefur ákveðið að hækka viðmiðunarmörk afsláttar af fasteignaskatti á íbúa í hópi aldraðra og öryrkja. Í ákvörðuninni felst 20% hækkun á tekjuviðmiðun vegna afsláttar af fasteignagjöldum ársins 2008 hjá þessum hópi.

Nemendur frá Leikskólanum Sólbrekku fóru í heimsókn til Kristínar G. Gunnlaugsdóttur bæjarlistamanns Seltjarnarness 2008 á dögunum. Er heimsókn barnanna liður í því starfi sem Kristín hyggst sinna á árinu sem hún ber nafnbótina bæjarlistamaður Seltjarnarness.

Dagforeldrar á Seltjarnarnesi sóttu námskeið í slysavörnum og fyrstu hjálp, ásamt dagforeldrum á Akranesi og í Mosfellsbæ. Á námskeiðinu var farið yfir helstu öryggisatriði varðandi lítil börn og fyrstu hjálp á slysstað

Seltirningar geta borið útgjöld sín vegna fasteignagjalda saman við útgjöld íbúa nokkurra sveitarfélaga á höfuðborgarsvæðinu. Ljóst er að umtalsverðu munar í kostnaði fasteignaeigenda eftir búsetu.

Upplýsingabæklingi um fjármál og rekstur Seltjarnarnesbæjar á árinu 2008 er verið að dreifa í öll hús á Seltjarnarnesi bæjarbúum til upplýsingar. Fjárhagsáætlun fyrir árið 2008 var samþykkt samhljóða við seinni umræðu á fundi bæjarstjórnar Seltjarnarness síðari hluta desembermánaðar.

Á dögunum var samþykkt í bæjarstjórn Seltjarnarness að bærinn muni ásamt öðrum sveitarfélögum á höfuðborgarsvæðinu taka þátt í að greiða 40 % af kostnaði við kaup á húseign undir starfsemi Fjölsmiðjunnar.

Íþróttaskóli Gróttu býður elsta árgangi leikskólabarnanna Seltjarnarness kennslu í þeim greinum sem Grótta bíður upp á þ.e. knattspyrna, handbolti og fimleikar. Lögð er áhersla á að æfingarnar séu einfaldar og skipulagðar þar sem allir fá verkefni við sitt hæfi.

Jafnréttisstefna leikskóla Seltjarnarness var gefin út 6. febrúar síðastliðinn. Jafnréttisstefnan var unnin af stjórnendum og starfsfólki leikskólanna og á að vera leiðarvísir fyrir starfsfólk skólanna til að stuðla að góðum samskiptum við börnin, jafnræðis á milli barnanna innbyrðis, á milli starfsfólksins og við foreldra barnanna.