Stór hluti starfsfólks Seltjarnarnesbæjar kom saman í Félagsheimilinu á laugardag og vann að samstöðuverkefni sem kallast Samstaða 2009.
Stór hluti starfsfólks Seltjarnarnesbæjar kom saman í Félagsheimilinu á laugardag og vann að samstöðuverkefni sem kallast Samstaða 2009.
Starfsfólkið skiptist niður í hópa þar sem farið var yfir helstu eiginleika bæjarins og þess að starfa hjá Seltjarnarnesbæ. Starfsfólkið velti fyrir sér kostum og vanköntum og lagði á ráðin um hvernig hver og einn getur lagt sig fram um að gera góða þjónustu framúrskarandi og hvernig má bæta starfsandann.
Dagurinn var gríðarlega skemmtilegur og árangursríkur og er það von bæjaryfirvalda að góður starfsandi leiði af sér enn betri þjónustu og starfsgleði í bænum okkar Seltjarnarnesi.
