Fréttir

Undirritaður var verksamningur milli Munck og Seltjarnarnesbæjar um stækkun og endurbætur á íþróttamiðstöð bæjarins þann 16. janúar síðasliðinn. Auk íþróttasalar fyrir fimleika verður byggð búningsaðstaða, þreksalur, áhaldageymsla, betrumbætt anddyri og fleira sem tengist íþróttaiðkun.

Nú fyrr í janúar lauk Þorsteinn Sæmundsson 21 árs gamall Seltirningur framhaldsprófi í klassískum gítarleik frá Tónlistarskóla Seltjarnarness og er hann sjötti nemandinn í sögu skólans sem nær þeim áfanga. Seltjarnarnesbær sendir hamingjuóskir til Þorsteins og allra í Tónlistarskólanum í tilefni þessa merka áfanga.

Embætti Landlæknis hefur nú fyrir skömmu gefið út tilkynningu þess efnis að neysluvatnið á höfuðborgarsvæðinu m.a. á Seltjarnarnesi sé öruggt og að ekki þurfi að sjóða það sérstaklega fyrir neyslu. https://www.landlaeknir.is/um-embaettid/frettir/frett/item34005/Neysluvatn-a-hofudborgarsvaedinu-er-oruggt

Í ljósi þeirrar mengunar sem greinst hefur í neysluvatni á höfuðborgarsvæðinu á undanförnum dögum vilja forsvarsmenn Seltjarnarnesbæjar upplýsa íbúa sína ennfrekar um framvindu málsins og aðgerðir af hálfu bæjarins. 

Heilbrigðiseftirlit Kjósarhrepps mælir með því að neysluvatn verði soðið fyrir viðkvæma í þeim hverfum þar sem jarðvegsgerlar hafa fundist í auknu mæli í neysluvatni þ.m.t. á Seltjarnarnesi. Ekki er þó talin hætta á ferð og óhætt er að drekka vatnið ósoðið. Sjá nánar í fréttatilkynningu frá Heilbrigðiseftirlitinu sem birt hefur verið á vef RÚV og mbl.is. í kvöld. 

http://ruv.is/frett/jardvegsgerlar-i-vatni-a-seltjarnarnesi 

Bókhald Seltjarnarnesbæjar var opnað í dag mánudag með aðgengilegri veflausn á heimasíðu bæjarins. Það þýðir að íbúar geta nú skoðað hvernig sköttunum er helst skipt upp og ráðstafað, hvaða greiðslur sveitarfélagið innti af hendi og til hverra.

Nýverið var blásið til leiks í Upptaktinum, tónsköpunarverðlaunum barna og ungmenna sem er samstarfsverkefni Barnamenningarhátíðar, Hörpu og Listaháskóla Íslands. Upptakturinn snýst um að öll börn á aldrinum 10-15 ára á höfuðborgarsvæðinu gefst kostur á að setja saman og senda inn tónsmíð eða drög að tónsmíð algjörlega óháð tónlistarstíl fyrir 12. febrúar nk. Foreldrar eru eindregið hvattir til að vekja athygli sinna barna á Upptaktinum því þetta er í fyrsta sinn sem að ungmennum á Seltjarnarnesi gefst tækifæri til að vera með. Nánari upplýsingar hér í fréttinni auk þess sem kennarar í Tónlistarskólanum og starfsfólk í Frístundinni og Selinu geta veitt upplýsingar og aðstoð.

Nýverið var blásið til leiks í Upptaktinum, tónsköpunarverðlaunum barna og ungmenna sem er samstarfsverkefni Barnamenningarhátíðar, Hörpu og Listaháskóla Íslands. Upptakturinn snýst um að öll börn á aldrinum 10-15 ára á höfuðborgarsvæðinu gefst kostur á að setja saman og senda inn tónsmíð eða drög að tónsmíð óháð tónlistarstíl fyrir 12. febrúar nk.

Þetta er spennandi tækifæri fyrir unga fólkið okkar á Seltjarnarnesinu og foreldrar hvattir til að vekja athygli þeirra á verkefninu og skoða ítarlegar upplýsingar sem eru í boði.

Nýverið var valdi íþróttafélagið Grótta íþróttamenn ársins 2017 við hátíðlega athöfn. Lovísa Thompson handknattleikskonan öfluga var valin íþróttamaður Gróttu og Sóley Guðmundsdóttir 14 ára fimleikakona var valin íþróttamaður æskunnar.

Frá 1. janúar n.k. breytast reglur um sérstakan húsnæðisstuðning. Tekjumörk breytast þannig að þau verða samræmd tekjumörkum almennra húsnæðisbóta. Það er hækkun á neðri tekjumörkum um tæplega 9% 

Skilyrði á götum og gangstéttum bæjarins eru afar varasöm þessa dagana og því hvetjum við íbúa til að fara sérstaklega varlega. Starfsmenn Þjónustumiðstöðvarinnar eru að salta og sanda út um allan bæ en skilyrðin breytast stöðugt. Mælum eindregið með því að fólk nýti sér mannbrodda sem fást um allt um þessar mundir.

Ágætu íbúar! Seltjarnarnesbær mun eins og undanfarin ár bjóða upp á þá þjónustu að hirða jólatrén, íbúum að kostnaðarlausu. Starfsmenn Þjónustumiðstöðvarinnar verða á ferð um bæinn mánudaginn 8. janúar og þriðjudaginn 9. janúar.