Skilyrði á götum og gangstéttum bæjarins eru afar varasöm þessa dagana og því hvetjum við íbúa til að fara sérstaklega varlega. Starfsmenn Þjónustumiðstöðvarinnar eru að salta og sanda út um allan bæ en skilyrðin breytast stöðugt. Mælum eindregið með því að fólk nýti sér mannbrodda sem fást um allt um þessar mundir.
Ágætu íbúar, nú eru afar erfið gönguskilyrði á götum og gangstéttum bæjarins. Starfsmenn Þjónustumiðstöðvarinnar eru vægast sagt alla daga alveg á fullu að salta og sanda eins hratt og þeir mögulega geta. Skilyrðin breytast hins vegar stöðugt innan hvers klukkutíma og því hvetjum við íbúa til að gæta afar vel að sér. Endilega að nýta sér mannbrodda sem fást nú um allt t.d. í verslunum, apótekum og á bensínstöðvum. Minnum einnig á gulu saltkassana sem eru staðsettir víða um bæinn fyrir íbúa að nýta sér sem og er hægt að nálgast sand við Þjónustumiðstöðina á Austurströndinni. FARIÐ VARLEGA!