Jólahátíðin nálgast hratt með tilheyrandi hátíðarhöldum og ánægjustundum. Af því tilefni býður bæjarstjórn öllum Seltirningum 70 ára og eldri til skötuveislu í Félagsheimili Seltjarnarness á Þorláksmessu.
Jólahátíðin nálgast hratt með tilheyrandi hátíðarhöldum og ánægjustundum. Af því tilefni býður bæjarstjórn öllum Seltirningum 70 ára og eldri til skötuveislu í Félagsheimili Seltjarnarness á Þorláksmessu. Er þetta í annað skiptið sem bæjarstjórn býður eldri bæjarbúum til slíkrar veislu enda heppnaðist hún með eindæmum vel í fyrra.
Lionsklúbbur Seltjarnarness hefur ákveðið að standa að veglegri skötuveislu og vilja þeir með því reyna að skapa árlega aðventuhefð fyrir Seltirninga þar sem hægt verður að ganga að borðum og eiga huggulega stund á aðventunni án mikillar fyrirhafnar.