Fréttir

Samninganefndir kennara og ríkis og sveitarfélaga funduðu í gær hjá ríkissáttasemjara, en undanfarna viku hafa aðilar fundað óformlega, bæði á formannafundum og í öðrum samtölum og minni fundum. Samningsaðilar munu halda áfram samtalinu hjá ríkissáttasemjara í dag.

Samninganefndir Sambandsins og Kennarasambands Íslands munu hittast á formlegum fundi hjá ríkissáttasemjara á morgun, en formenn samninganefnda hafa fundað óformlega undanfarna daga.

Boðað hefur verið til 995. bæjarstjórnarfundar kl. 17:00 miðvikudaginn 20. nóvember 2024 í bæjarstjórnarsalnum að Austurströnd 2.

Leikskólakennarar, starfsfólk leikskóla, stuðningsfólk, foreldrar og nokkur börn á Seltjarnarnesi gengu í dag fylktu liði með áletruð skilti að bæjarskrifstofum Seltjarnarnesbæjar til að hitta Þór Sigurgeirsson bæjarstjóra sem fór út og ræddi við hópinn.

Stöðugt er verið að dytta að Nesinu okkar hér og þar til að fegra og bæta, í dag er það Austurströndin sem fær yfirhalningu og holufyllingu en svo verður farið víðar um bæinn á næstunni og lagað þar sem þörf krefur.

Tilkynning barst frá stjórnstöð Terra, að seinkun verði á þjónustu sorphirðu í vikunni vegna bilana. Hægt er að vera í sambandi við Terra þjónustuborð varðandi nánari upplýsingar.

Samningsumboð Seltjarnarnesbæjar liggur hjá samninganefnd Sambands íslenskra sveitarfélaga í kjaradeilu við Kennarasamband Íslands. Sambandið gefur út upplýsingar á heimasíðu sinni eftir því sem mál þróast sem nálgast má á fréttastiku síðunnar www.samband.is/frettir.

Kjörskrá Seltjarnarnesbæjar liggur frammi almenningi til sýnis frá 8. nóvember á bæjarskrifstofum Seltjarnarness, Austurströnd 2, á opnunartíma skrifstofunnar. Kjörfundur á Seltjarnarnesi þann 30. nóvember er frá kl. 9.00 til 22.00 í Valhúsaskóla.

Í dag verður byrjað að skipta út gömlu kvikasilfursgötulömpum á Seltjarnarnesi fyrir lampa með led-lýsingu. Byrjað verður á götuljósum í nágrenni við skólana og í framhaldi skipt út við göngustíga sem er um helmingur allra götu-/stígaljósa í bænum. Stefnt er að því að klára svo útskiptin í heild sinni á næsta ári.

Íbúar í Bollagörðum vinsamlegast athugið! þriðjudaginn 5. Nóvember verður lokað fyrir heita vatnið í Bollagörðum frá klukkan 9 og fram eftir degi vegna viðgerða. Beðist er velvirðingar á þeim óþægindum sem þetta kann að valda Hitaveita Seltjarnarness S: 5959100

Menningarnefnd Seltjarnarness auglýsir eftir umsóknum frá listamönnum og/eða tilnefningum um hver hljóta skuli nafnbótina Bæjarlistamaður Seltjarnarness 2025.

GÆSA-VIÐVÖRUN! Eins og margir hafa tekið eftir þá er mikill fjöldi af gæsum á og við götur bæjarins ekki síst á Norður- og Suðurströndinni. Við hvetjum því ökumenn til að fara extra varlega í kringum spásserandi gæsirnar sem skella sér óhræddar út á malbikið til að sækja sér vatn og rölta fram og til baka þrátt fyrir bílumferðina. 🪿