Fréttir

Bæjarbúum býðst að henda umbúðum af notuðum flugeldum í sérstakan gám sem komið hefur verið upp á Eiðistorgi en alls óheimilt er að henda slíku rusli í hefðbundnar pappatunnur eða gáma. Sorpa tekur einnig á móti notuðum flugeldaumbúðum. Hjálpumst að við að snyrta bæinn okkar hið fyrsta svo ruslið verði ekki fjúkandi um fram á vor. Gleðilegt nýtt ár 2025 🙂

Seltjarnarnesbær óskar íbúum, starfsfólki og landsmönnum öllum farsældar og gæfu á nýju ári og þakkar ánægjulegt samstarf og samskipti á árinu sem var að líða.

Seltjarnarnesbær stendur fyrir brennu á gamlárskvöld og býður upp á tónlist því trúbadorinn Arnar Friðriks mun syngja og stýra fjöldasöng fyrir brennugesti. Sjáumst tímanlega og kveðjum gamla árið vel útbúin og í hátíðarskapi á Valhúsahæð. Birt með fyrirvara um veður í lagi.

Bæjarstjórn og starfsmenn Seltjarnarnesbæjar senda bæjarbúum jólakveðjur með þökkum fyrir ánægjuleg samskipti á árinu sem er að líða.

Settir hafa verið upp gámar á Orkuplaninu við Austurströnd fyrir íbúa að losa umfram magn af pappa og plasti sem safnast upp við heimilin yfir hátíðirnar. Enn fremur er kominn gámur fyrir pappa við grenndarstöðina á Hagkaupsplaninu og svo er auðvitað minnt á Sorpu við Ánanaust.

Guðmundur Ari bæjarfulltrúi sat sinn síðasta fund fyrir Seltjarnarnesbæ þann 19. desember sl. þegar að bæjarráð kom saman. Honum var þakkað fyrir vel unnin störf í þágu bæjarfélagsins undanfarin 10 ár og óskað alls hins besta og velfarnaðar á nýjum vettvangi, Alþingi Íslendinga.

Þór Sigurgeirsson bæjarstjóri og Einar Þorsteinsson borgarstjóri undirrituðu nýverið samkomulag um samgöngur í vesturhluta höfuðborgarsvæðisins.

Fjárhagsáætlun bæjarins fyrir árið 2025 var samþykkt í bæjarstjórn Seltjarnarnesbæjar við síðari umræðu miðvikudaginn 11. desember 2024. Þriggja ára áætlun 2026-2028 var einnig samþykkt.

Kristín Hannesdóttir, forstöðukona félagsstarfs eldra fólks á Seltjarnarnesi, var kvödd að viðstöddu fjölmenni á jólagleði félagsstarfsins í vikunni og fékk á sama tíma 15 ára starfsaldursviðurkenningu.

Hér má sjá nýtt sorphirðudagatal fyrir desember en tíðni losunar hjá Terra hefur verið aukin.

Guðrún Björg Karlsdóttir hefur verið ráðin forstöðumaður félagsstarfs eldri bæjarbúa á Seltjarnarnesi og tekur við af Kristínu Hannesdóttur sem lætur af störfum um áramót.

Sýnileg áhrif lýsingar og velheppnuð vinna við útskipti á gömlu götuljósunum á Seltjarnarnesi fyrir nýja lampa með led-lýsingu. Áhrifarík drónamyndbönd í fréttinni sýna fyrir og eftir lýsingu.