Fjölskyldusvið Seltjarnarnesbæjar leitar að öflugum og skapandi starfskrafti í 60% starf forstöðumanns félagsstarfs eldri bæjarbúa.
Markmið félagsstarfsins er að fyrirbyggja og draga úr félagslegri einangrun eldra fólks með því að bjóða upp á opið félags- og tómstundastarf auk fræðslu, hreyfingu og námskeið. Félagsstarfið fer fram í þjónustukjarnanum að Skólabraut 3-5 og víðar á Seltjarnarnesi.
Helstu verkefni og ábyrgðarsvið
- Skipulagning og eftirfylgni við félagsstarf eldri bæjarbúa
- Stjórnun og ábyrgð á rekstri og daglegri starfsemi félagsstarfsins
- Þátttaka í að móta stefnu og framtíðarsýn fyrir starfsemina
Menntunar og hæfniskröfur
- Menntun í tómstundafræðum eða sambærilegt nám sem nýtist í starfi æskileg
- Reynsla af störfum með eldra fólki
- Samskiptahæfileikar og skipulagsfærni
- Frumkvæði og sjálfstæð vinnubrögð
Fríðindi í starfi
- Samgöngustyrkur
- Líkamsræktarstyrkur
- Niðurgreiðsla á hollum og góðum mat í hádeginu
- Afsláttur á korti í World Class
- Sundkort á Seltjarnarnesi
- Bókasafnskort
Ráðið verður í starfið f.o.m. 1. desember 2024.
Nánari upplýsingar um starfið veitir Baldur Pálsson, sviðsstjóri fjölskyldusviðs, baldur@seltjarnarnes.is
Umsókn um starfið skal fylgja ítarleg starfsferilsskrá ásamt kynningarbréfi. Nánari upplýsingar um starfið og skil umsóknar má finna á Ráðningarvef Seltjarnarnesbæjar http://www.seltjarnarnes.is-Störf í boði
Umsóknarfrestur er til og með 21. október 2024.
Í samræmi við jafnréttisáætlun Seltjarnarnesbæjar eru öll kyn hvött til að sækja um starfið. Launakjör eru samkvæmt kjarasamningi Sambands íslenskra sveitarfélaga og hlutaðeigandi stéttarfélaga.
