Forsetakosningar 1. júní 2024
Kjörfundur á Seltjarnarnesi er frá kl. 09.00 til kl. 22.00 í Valhúsaskóla við Skólabraut
Kjörskrá Seltjarnarnesbæjar liggur frammi almenningi til sýnis frá 6. maí á bæjarskrifstofum Seltjarnarness, Austurströnd 2, í þjónustuveri á 1. hæð á opnunartíma skrifstofunnar.
Kosning utan kjörfundar fer fram hjá sýslumönnum og á höfuðborgarsvæðinu fer hún eingöngu fram á 1. hæð í Holtagörðum, frá 3. maí til 20. maí kl. 10:00 – 20:00.
Frá og með 21. maí til og með 31. maí er opið alla daga frá kl. 10.00 – 22:00. Lokað verður uppstigningardag 9. maí og hvítasunnudag 19. maí.
Á kjördag laugardaginn 1. júní verður opið frá 10:00 – 17:00 fyrir kjósendur sem ekki geta sótt kjörfund.
Kjörfundur á Seltjarnarnesi þann 1. júní 2024, er í Valhúsaskóla við Skólabraut og hefst kl. 9.00 og lýkur kl. 22.00.
Kosið er í þremur kjördeildum, eins og verið hefur í undanförnum kosningum.
www.kosning.is – Kosningavefur dómsmálaráðuneytisins er með ýmsar upplýsingar um kosningarnar t.d. uppflettingu á vefnum „hvar á ég að kjósa?“
Munið eftir persónuskilríkjum
Aðsetur kjörstjórnar Seltjarnarnesbæjar á kjördag er í Valhúsaskóla.
F.h. yfirkjörstjórnar
Árni Ármann Árnason, formaður
