Vegna þeirra sóttvarnareglna sem í gildi eru um takmörkun á samkomuhaldi fram til 12. janúar nk. vegna Covid-19 verður ekki hægt að halda áramótabrennu á Valhúsahæð á gamlárskvöld.
Vegna þeirra sóttvarnareglna sem nú eru í gildi um takmörkun á samkomuhaldi og verða fram til 12. janúar nk. vegna Covid-19 verður ekki áramótabrenna á Valhúsahæð á gamlárskvöld. Sveitarfélögin á höfuðborgarsvæðinu tóku ákvörðun á sameiginlegum fundi sínum í síðustu viku að halda engar áramótabrennur á höfuðborgarsvæðinu til að koma í veg fyrir óþarfa hópamyndanir. Bæjarstjórn Seltjarnarnesbæjar staðfesti samhljóða þá ákvörðun á fundi sínum þann 9. desember sl.
Áramótabrennur draga að sér fjölda fólks og vilja sveitarfélögin sýna ábyrgð í verki og aflýsa því áramótabrennum í ár.
Íbúar eru hvattir til að njóta jóla- og áramóta í sínum „jólakúlum“ og forðast mannmergð í takt við tilmæli sóttvarnayfirvalda. Við getum gert þetta saman, samstaða er besta sóttvarnaraðgerðin.
Hér má lesa leiðbeiningar sem þarf að hafa í huga um hátíðarnar vegna Covid-19.
https://www.covid.is/flokkar/jol-og-aramot-2020