FUNDARGERÐ SKÓLANEFNDAR

Efni fundarins:

1. Starfsáætlun skólanefndar.
2. Sérkennslumál.
3. Matarmál Mýrarhúsaskóla.
4. Önnur mál.

Framkvæmdaraðili:  Skólanefnd

Fundur nr. :

1

Fundarstjóri:  Bjarni Torfi Álfþórsson

Fundarritari:  Óskar J. Sandholt

Staður: Skólaskrifstofa

Þátttakendur: 

Skólanefnd: Bjarni Torfi Álfþórsson, Gunnar Lúðvíksson, Lárus B. Lárusson, Sunneva Hafsteinsdóttir og Árni Einarsson. Skólaskrifstofa: Lúðvík Hjalti Jónsson og Óskar J. Sandholt.

Dagsetning :

03.07.2002

Frá kl. :

17:00

Til kl. :

18:40

Næsti fundur:

21.08.2002

Tími :

8:30

Staður:

Grunnskólar

Umræður, ákvarðanir, niðurstöður:

Ábyrgur:

Verklok:

1.        Starfsáætlun skólanefndar:
Drög að starfsáætlun (fylgiskjal 1-1) lögð fram og samþykkt samhljóða. Fram kom tillaga BTÁ um að farið verði að lögum um leik- og grunnskóla varðandi áheyrnar­fulltrúa í skólanefnd. Í þessu felst eftirfarandi: Á fundum þar sem fjallað er um málefni grunnskóla mæti skólastjórnendur, einn sameiginlegur fulltrúi foreldrafélaga beggja skólanna og einn sameiginlegur fulltrúi kennara skólanna. Á fundum um leikskóla mæti einn sameiginlegur fulltrúi foreldra beggja leikskóla og einn sameiginlegur fulltrúi starfsmanna beggja leikskóla. Samþykkt með þremur atkvæðum fulltrúa D lista. Einn fulltrúi N lista sat hjá og einn var á móti.

2.        Sérkennslumál:
Á 105. fundi fráfarandi skólanefndar var því beint til sitjandi nefndar að skipaður yrði starfshópur til að fara yfir sérkennslumál grunnskólanna. BTÁ lagði til að hópinn skipi grunnskólafulltrúi, einn maður af D lista og einn maður af N lista. Listar komi með tilnefningu á næsta fund skólanefndar.

3.        Matarmál Mýrarhúsaskóla:
Rætt um verðmyndun fæðis í skólastofnunum bæjarins. Samþykkt að senda fjárhags- og launanefnd tillögu (fylgiskjal 1-2) um niðurgreiðslu á skólamáltíðum í Mýrarhúsaskóla.

BTÁ

4.        Önnur mál:

a.        Lögð fram skýrsla um áhættugreiningu fyrir höfuðborgarsvæðið (fylgiskjal 1-3). Samþykkt að senda skýrsluna til stjórnenda í skólastofnunum bæjarins. Óskað verður eftir viðbrögðum þeirra á næstu fundum skólanefndar.

b.       Rætt um öryggi í skólum og á skólalóðum (fylgiskjal 1-4). Samþykkt að skólaskrifstofa láti gera úttekt á öryggisþáttum lóða og skólastofnana bæjarins.

c.        Rætt um að fjölga gangbrautarvörðum milli kl. 8:00 og 8:20 næsta vetur þar sem allir nemendur Mýrarhúsaskóla byrja á sama tíma. Samþykkt að beina því til stjórnenda Mýrarhúsaskóla að þeir sjái til þess að það verði gert.

d.       LBL lagði til að útbúið verði snúningstorg til bráðabirgða, aftan við Ísbjarnarhúsið. Samþykkt að senda tillögu til skipulags- og mannvirkjanefndar varðandi umferðarmál við skólastofnanir.

e.        Lagt fram bréf leikskólafulltrúa, dags. 03.07.2002 (fylgiskjal 1-5), um laun í staðbundnu námi leikskólakennara við KHÍ. Samþykkt samhljóða.

f.         Rætt um kaup á neðri hæð Skólabrautar 1. Skólanefnd lýsir stuðningi við þau áform bæjarstjórnar að festa kaup á húsnæðinu.

g.       Rætt um stöðu nýbyggingar við Valhúsaskóla. SH lýsti undrun sinni á hve framkvæmdir og innkaup húsbúnaðar og tækja ganga seint.

h.       Skólanefndarmönnum afhentur geisladiskur (fylgiskjal 1-6) með helstu upplýsingum er þeir kunna að þarfnast varðandi reglugerðir, samþykktir og annað er snýr að skólamálum. Skólanefnd fagnar framtakinu.

ÓJS

ÓJS

LBL