126. fundur menningarnefndar Seltjarnarness haldinn á Bæjarskrifstofu Seltjarnarness fimmtudaginn 12. nóvember 2015 kl. 11:00
Mættir: Katrín Pálsdóttir formaður, Sjöfn Þórðardóttir varaformaður, Ásta Sigvaldadóttir og Sigurþóra Bergþórsdóttir. Oddur J. Jónasson boðaði veikindaforföll.
Fjarverandi voru Tómas Helgi Kristjánsson og Lillý Óladóttir áheyrnarfulltrúar Ungmennaráðs.
Soffía Karlsdóttir ritaði fundargerð.
Dagskrá fundarins:
-
Bæjarlistamaður Seltjarnarness 2016. Málsnúmer 2015100059
Samkvæmt reglum um Bæjarlistamanna Seltjarnarness er umsóknarfrestur til 25. nóvember. Farið verður yfir umsóknir og ábendingar á næsta fundi menningarnefndar 3. desember. Tilnefningin fer fram á föstudegi í janúarlok 2016.
-
130 ára afmæli Bókasafns Seltjarnarness. Málsnúmer 2014100043
Dagskrá afmælis lögð fyrir og samþykkt.
-
Merkingar á Bókasafni og Gallerí Gróttu. Málsnúmer 2015020037
Lokið verður við að merkja Bókasafn Seltjarnarness og Gallerí Gróttu innan og utandyra á Eiðistorgi fyrir 20. nóvember að öllu óbreyttu, skv. hugmyndum sem kynntar hafa verið.
-
Uppsögn á starfi í Bókasafni Seltjarnarness. Málsnúmer 2015090209
Starfsmaður í 20% starfi lætur af störfum, en ekki verður ráðið í hennar stað.
-
Barnamenningarhátíð 2016. Málsnúmer 2015110021
Lagt er til að menningarsviðið leggi kr. 300.000 til Barnamenningarhátíðar sem Reykjavíkurborg hefur lýst vilja yfir að halda sameiginlega með bæjarfélögum á höfuðborgarsvæðinu. Hátíðin verður haldin 19.-25. apríl. Grunnskóli og leikskóli Seltjarnarness verði hvattir til að leiða verkefnið og sækja um úr sjóðnum. Upphæðin verður endurskoðuð að ári.
-
Samningur um markaðsstarf. Málsnúmer 2015090087
Samstarfssamningur um markaðssamstarf, viðburði og upplýsingamiðlun í ferðaþjónustu lagður fyrir til kynningar. Bæjarráð hefur samþykkt samninginn og tilnefnt Soffíu Karlsdóttur sem tengilið við verkefnið.
-
Minnisvarði fyrir látna Seltirninga, staðan. Málsnúmer 2014090002
Verið er að skoða staðarhætti með listamanninum.
-
Menningarsvið á fjárhagsáætlun 2016. Málsnúmer 2015090180
Hugmyndir um áherslur í starfs- og fjárhagsáætlun sviðsins lögð fram til kynningar.
Fundargerð upplesin og samþykkt.
Fleira ekki tekið fyrir og fundi slitið kl. 12:45
l