Mættir voru: Ásgerður Halldórsdóttir, Þór Sigurgeirsson, Sigrún Edda Jónsdóttir, Árni Einarsson og Haukur Geirmundsson.
Dagskrá:
1. Erindi send til ÆSÍS.
Fjárhagsrammi 2000.
Tillögur og bókanir frá bæjarstjórn.
Ráðstefnuboð frá Reykjavíkurborg.
2. Önnur mál.
1. Erindi send til ÆSÍS.
Fjárhagsrammi 2000. - Fjárhagsrammi fyrir árið 2000 lagður fram.
Tillögur og bókanir frá bæjarstjórn. - Lagðar fram bókanir frá Neslista sem samþykkt var að vísa til ÆSÍS. á fundi bæjarstjórnar 9. júní 1999. - Samþykkt að ræða tillögurnar í tengslum við umræðu um stefnumörkun í æskulýðs- og íþróttamálum sem eru í gangi hjá ráðinu.
Lagt fram bréf um Norræna stórborgarráðstefnu um menningu og gildi ungs fólks sem haldin verur í Reykjavík 19. – 22. sept. n.k. - Samþykkt að óska eftir því við Margréti Sigurðardóttur forstöðumann Selsins að hún sæki ráðstefnuna og jafnframt að senda upplýsingar til Helgu Kristínar Gunnarsdóttur, kennara í Valhúsaskóla.
1. Önnur mál.
Formaður lagði fram yfirlit um ýmsa verkþætti og starfsemi sem rekin er á vegum ÆSÍS.
Upplýst var að fyrir dyrum stendur að hækka aðgangseyri að sundlaug.
Rætt var um að hafa Selið opið á föstudögum í sumar í tilraunaskyni.
Rætt um nauðsyn þess að knýja á um aukna löggæslu fyrir Seltjarnarnes.
Rætt um að koma þyrfti á “íþróttaskóla” fyrir börn 6-7 ára og 8-9 ára þegar í haust.
Í umræðum um sparkvelli kom fram að óljóst er hver ber ábyrgð á þeim ef t.d. slys ber að höndum og hver sér um eftirlit vallanna ? Þetta þarf að liggja ljóst fyrir.
Upplýst var að í athugun er að setja upp hjólabrettaáhöld við Mýrarhúsaskóla til notkunar í sumar.
Að öðru leyti vísast í hugmyndir formanns. Þær verða ræddar betur síðar m.a. í tengslum við fjárhagsáætlun fyrir næsta ár.
Rætt var um hvernig staðið skuli að rekstri nýju íþróttaaðstöðunnar sem ætluð er Gróttu, hvort gera skuli rekstrarsamning við Gróttu eða bærinn reki hana á sama hátt og önnur íþróttamannvirki bæjarins. Fyrir liggur að stækkun aðstöðunnar krefjist fjölgunar starfsfólks.
Samþykkt að veita Jóel Karli Friðrikssyni tveggja mánaða laun samsvarandi launum og í áhaldahúsi til undirbúnings þátttöku í Olympíuleikum í eðlisfræði sem haldnir verða á Ítalíu 18. – 27. ágúst n.k.
Næsti fundur ákveðinn 17. ágúst kl. 17:30.
Fundi slitið kl. 19:35. Fundarritari Árni Einarsson.