Mættir: Magnús Örn Guðmundsson, Þór Sigurgeirsson, Ragnhildur Jónsdóttir og Sigurþóra Bergsdóttir.
Fundarritari: Svava Sverrisdóttir sviðsstjóri fjármálasviðs.
Dagskrá:
1. 2025030049 – Gervigrasvöllur - útboð
Bæjarstjóri kynnti niðurstöður útboðs varðandi nýtt gervigras á Vivaldivöll.
Bæjarráð samþykkir að taka tilboði lægstbjóðanda frá Metatron.
2. 2025030036 – Andmæli við frumvarp um Jöfnunarsjóð sveitarfélaga
Bæjarstjóri lagði fram umsögn við frumvarp Jöfnunarsjóðs sem sent var í samráðsgátt stjórnvalda.
Bókun meirihluta:
Fulltrúar Sjálfstæðisflokks í bæjarráði mótmæla frumvarpinu harðlega eins og kemur fram í umsögn bæjarstjóra um frumvarpið. Ákvæði 3. mgr. 3. gr. í drögum að frumvarpinu um Jöfnunarsjóðinn er tilraun til miðstýringar sem fer gegn meginreglum um sjálfsstjórn sveitarfélaga og lagareglum sem koma fram í stjórnarskránni og sveitarstjórnarlögunum. Ef frumvarpið fer í gegn óbreytt að þessu leyti er ekki lengur sami hvati fyrir bæinn að reyna eftir megni að gera vel í rekstri og umbuna íbúum með lækkun útsvarsprósentu í framhaldi af því.
Bókun minnihluta:
Undirrituð styður ekki umsögn bæjarstjóra Seltjarnarnesbæjar um frumvarpið. Ný lög um Jöfnunarsjóð eru löngu tímabær, sérstaklega reiknireglur. Það er grundvallarmál að lág skattaprósenta í einu sveitafélagi sé ekki niðurgreidd af íbúum annarra sveitafélaga.
Varðandi útfærslu frumvarps eru áhrif nokkuð óljós og því kalla ég eftir upplýsingum og áhrif á framlög til Seltjarnarnesbæjar.
Sigurþóra Bergsdóttir
3. 2025030080 – Æfing neyðarstjórnar Seltjarnarnesbæjar með almannavarnarnefnd hbsv. 2025
Skýrsla neyðarstjórnar höfuðborgarsvæðisins varðandi æfingu, sem haldin var í Seltjarnarnesbæ í febrúar, lögð fram til kynningar.
4. 2025030082 – Sameining íþrótta- og menningarnefnda
Bæjarráð samþykkir að hefja vinnu við sameiningu nefndanna.
5. 2023090285 – Óendurskoðað uppgjör 2024
Sviðsstjóri fjármála leggur fram óendurskoðað uppgjör og greinir frá framgangi vinnu við ársuppgjör Seltjarnarnesbæjar.
Fundi slitið: 9:25