Fræðasetur

Fræðasetur var opnað í Gróttu aldamótaárið 2000 og er innan þess glæsileg funda- og námsaðstaða í óvenjulegu umhverfi.

Salur hússins rúmar um 30 manns í sæti og á loftinu er gistiaðstaða fyrir sama fjölda. Þá er ágætlega búið eldhús á staðnum. Í kjallara setursins er vinnuaðstaða fyrir nemendur til að vinna úr verkefnum sem tengjast veru þeirra í Gróttu. Athugið að ferðir í Fræðasetur Gróttu eru háðar bæði flóði og fjöru og varptíma.

Seltjarnarnesbær heldur utan um útleigu í síma 595 9100 en gjaldskrá má nálgast hér neðar.

Markmið fræðslustarfs í Gróttu

Markmiðið með Fræðasetrinu er að náttúra og umhverfi Seltjarnarness nýtist á fjölbreyttan hátt, fyrir börn og fullorðna. Staðurinn er tilvalinn til útivistar og inniveru, námskeiða, vettvangsferða, funda o.fl. Útikennsla er í mörgum skólum orðin veigamikill þáttur og gefur möguleika á að nýta umhverfið í kennslu t.d. í íslensku, myndmennt, stærðfræði, náttúrufræði og samfélagsfræði.

Helstu markmiðin með Fræðasetrinu eru að náttúra og umhverfi Gróttu nýtist nemendum og íbúum Seltjarnarness til:

- Menntunar og útikennslu í náttúrufræði, samfélagsfræði, sögu, myndmennt, umhverfismennt, lífsleikni og fleiri greinum.

- Að upplifa, skynja og skilja náttúruna og umhverfið með hjálp markvissra leiðbeininga og leiðsagnar og kennslu á vettvangi.

- Að læra að njóta útivistar, aðlagast útilífi og umgengni við náttúruna.

- Að styrkja félagstengsl og samstarf nemenda.

- Að styrkja nám í ofantöldum greinum í skólunum með endurskipulagningu og aukinni útikennslu.

- Að styrkja almenningsfræðslu um umhverfi og náttúru Seltjarnarness.

- Að störf fræðimanna í Gróttu styrki fræðslustarfið bæði með beinum og óbeinum hætti.

Gjaldskrá Fræðasetur og Vitavarðarhús í Gróttu

Fyrir aðstöðu í Fræðasetrinu í Gróttu, afnot af húsi, búnaði og umsýslu starfsmanna, skal greiða eftirfarandi:

Skólahópar innan Seltjarnarnesbæjar	Verð kr.
Heimsókn, 3-6 klst. - pr. barn	370
Gisting í Fræðasetri - hver byrjaður sólarhringur	18.100
Aðrar stofnanir Seltjarnarnesbæjar	Verð kr.
Fundir, námskeið og ráðstefnur, 3-6 klst.	15.000
Fundir, námskeið og ráðstefnur, minna en 3 klst.	10.000
Lengri dvöl - hver byrjaður sólarhringur	20.000
Skólahópar utan Seltjarnarnesbæjar	Verð kr.
Heimsókn, fundir, námskeið og ráðstefnur, 3-6 klst.	21.000
Gisting í Fræðasetri - hver byrjaður sólarhringur	27.150
Almenn leiga	Verð kr.
Fundir, námskeið og ráðstefnur, 3-6 klst.	25.000
Lengri dvöl - hver byrjaður sólarhringur	40.000
Lengri tímabil - samningsatriði

Gjaldskrá fyrir árið 2024 samþykkt í bæjarstjórn Seltjarnarnesbæjar þann 28. desember 2023.

Síðast uppfært 10. maí 2022

Loka