Seltjarnarnesbær óskar eftir að ráða verkefnastjóra frístunda- og forvarnastarfs. Um er að ræða afleysingu til eins árs með starfshlutfall á bilinu 70 - 100%. Æskilegt er að viðkomandi geti hafið störf sem fyrst.
Helstu verkefni og ábyrgðarsvið:
- Skipulagning og eftirfylgni við forvarnastarf fyrir alla aldurshópa í sveitarfélaginu
- Aðkoma að skipulagningu og þátttaka í starfsemi félagsmiðstöðvar og ungmennahúss
- Umsjón með starfsemi ungmennaráðs
Menntunar- og hæfniskröfur:
- Háskólamenntun í tómstundafræðum, uppeldisfræðum eða sambærilegt nám sem nýtist í starfi
- Reynsla af störfum með börnum og ungmennum
- Samskiptahæfileikar, frumkvæði og skipulagsfærni
Fríðindi í starfi:
- Samgöngustyrkur
- Líkamsræktarstyrkur
- Niðurgreiðsla á hollum og góðum mat í hádeginu
- Afsláttur á korti í World Class
- Sundkort á Seltjarnarnesi
- Bókasafnskort
Upplýsingar um starfið veitir Baldur Pálsson, sviðsstjóri Fjölskyldusviðs (baldur@seltjarnarnes.is).
Umsókn um starfið skal fylgja ítarleg starfsferilsskrá ásamt kynningarbréfi. Nánari upplýsingar um starfið og skil umsóknar má finna á Ráðningarvef Seltjarnarnesbæjar
Í samræmi við jafnréttisáætlun Seltjarnarnesbæjar eru öll kyn hvött til að sækja um starfið. Launakjör eru samkvæmt kjarasamningi Sambands íslenskra sveitarfélaga og hlutaðeigandi stéttarfélaga.
Umsóknarfrestur er til og með 14. október 2024.