Miðvikudaginn 20. nóvember verður opið hús kl. 20 í safnaðarheimili Seltjarnarneskirkju. Fyrirlesturinn að þessu sinni verður frá Mýrarhúsaskóla, en þar munu Ólína Thoroddsen, Margrét Sigurgeirsdóttir og Árni Árnason kynna samstarf skólans við skóla í Namazizi í Malaví.
Samstarfið komst í fréttir RÚV í haust þegar Anjimile Oponyo, ráðuneytisstjóri menntamálaráðuneytis Malaví, heimsótti Mýrarhúsaskóla í byrjun október. Þeir sem vilja rifja upp þá umfjöllun geta farið inn á vefslóðina: http://www.ruv.is/frett/laera-afriska-treskurdarlist
Árni heimsótti Malaví fyrir nokkrum árum og á fjöldann allan af myndum sem hann ætlar að sýna gestum á meðan þeir hlýða á fyrirlesturinn. Nemendur Mýrarhúsaskóla þekkja þetta samstarf vel og hafa eflaust mikinn áhuga á að mæta á fyrirlesturinn með foreldrum sínum.
Allir eru velkomnir á opið hús!