Sérstakur starfshópur skipaður af heilbrigðisráðherra um byggingu hjúkrunarheimilis á Lýsislóð kom saman til fyrsta fundar í upphafi árs. Hópnum er ætlað að vinna að frumáætlun sem lögð verður fyrir fjármálaráðuneytið auk þess að taka ákvarðanir um gerð og framgang húsnæðisins á hönnunartíma.
Hópurinn er skipaður aðilum frá Seltjarnarnesbæ, Reykjavíkurborg og ráðuneytinu en eins og kunnugt er var í maí síðast liðnum undirritað samkomulag milli þessara aðila um að byggja sameiginlega hjúkrunarheimili á horni Eiðsgranda og Grandavegi.
Samkvæmt vinnuáætlun heilbrigðis- og tryggingamálaráðuneytisins um framkvæmdir á árunum 2006 til 2012 er miðað við að byrjað verði að byggja heimilið í byrjun árs 2008 og taki eigi lengri tíma en 18-24 mánuði þannig að það megi taka í notkun eigi síðar en um áramót 2009/2010.