Í fjárhagsáætlun næsta árs er gert ráð fyrir að í kringum 65 milljónum verði varið til nýfjárfestinga og viðhalds á skólamannvirkjum Seltjarnarnesbæjar. Í áætluninni kemur fram að um 9 milljónum verði varið til viðhalds og framkvæmda við Valhúsaskóla. Meðal annars á að ljúka við anddyri skólans sem reist var í sumar. Einnig á að ljúka við endurnýjun eldri stofa skólans ásamt fleiru. Að loknum þessum framkvæmdum má segja að búið sé að endurnýja allan Valhúsaskóla.
Í fjárhagsáætlun næsta árs er gert ráð fyrir að í kringum 65 milljónum verði varið til nýfjárfestinga og viðhalds á skólamannvirkjum Seltjarnarnesbæjar. Í áætluninni kemur fram að um 9 milljónum verði varið til viðhalds og framkvæmda við Valhúsaskóla. Meðal annars á að ljúka við anddyri skólans sem reist var í sumar. Einnig á að ljúka við endurnýjun eldri stofa skólans ásamt fleiru. Að loknum þessum framkvæmdum má segja að búið sé að endurnýja allan Valhúsaskóla.
Tæplega 30 milljónum á að verja í áframhaldandi viðhald Mýrarhúsaskóla. Í sumar sem leið var skólinn klæddur og skipt um glugga en á næsta ári hefjast endurbætur á innra rými skólans. Í því felst m.a. gagnger endurnýjun allra lagna ásamt gólfefnum og fleiru. Einnig verður hafinn undirbúningur að gerð mötuneytis við Mýrarhúsaskóla.
Rúmlega 20 milljónir fara í stækkun tónlistarskólans. Eftir að bókasafnið flutti í nýtt húsnæði skapaðist tækifæri til að bæta aðstöðu skólans sem áður deildi húsnæði með safninu. Aðstaða í skólanum verður líklega sú besta á landinu eftir breytingar en tónlistarskólinn er nú þegar einn sá stærsti hér á landi.
Um fjórum milljónum verður varið til viðhalds og nýframkvæmda við leikskólana og áfram verður unnið við fræðasetrið í Gróttu.