Mörg undanfarin ár hefur Tónlistarskólinn ráðið til sín gestakennara í tengslum við dag tónlistarskólanna sem haldinn er hátíðlegur 
síðasta laugardag í febrúar á hverju ári.
Gestakennarar tónlistarskólans að þessu sinni voru Margrét Pálmadóttir söng- og kórstjóri og Þórdís Guðmundsdóttir tónmenntakennari. Þær kenndu nemendum tjáningarmáta á lögum frá Afríku og Suður-Ameríku.
Þemadögunum lauk með opnu húsi í 
Tónlistarskólanum á degi tónlistarskólanna laugardaginn 26. febrúar. Fjölmargir Seltirningar lögðu leið sína í skólann þennan dag og hlýddu á mjög fjörleg og skemmtileg lög frá áður nefndum löndum sem nemendur fluttu við undirleik kennara skólans. Einnig var boðið upp á fjölbreytta tónlistardagskrá sem fram fór á nokrum stöðum í skólanum.
Foreldrafélag skólalúðrasveita gekkst fyrir kaffisölu til styrktar lúðrasveitunum.
Dagurinn var í alla staði mjög ánægjulegur og ekki var annað að sjá en að folk skemmti sér hið besta