Listavika Bókasafns Seltjarnarness var sett fimmtudaginn 1. október. Ásgerður Halldórsdóttir bæjarstjóri setti vikuna að viðstöddu fjölmenni.
Meðal annars var opnuð samsýning á verkum þriggja listakvenna af Seltjarnarnesi – Rögnu Ingimundardóttur sem sýnir leirlist, Messíönu Tómasdóttur og Kristínu Gunnlaugsdóttur sem báðar sýna myndverk. Sýningin er opin út Listavikuna en henni lýkur laugardaginn 10. október.
Á Listavikunni mánudaginn 5. október kl. 17:30 verður boðið uppá Te og tónlist.
Te og tónlist eru stuttir tónleikar og hugsaðir þannig að fólk geti komið við á bókasafninu, hvílt sig og notið tónlistar á heimleiðinni. 
Te og tónlist er samstarfsverkefni bókasafnsins og Tónlistarskóla Seltjarnarness. Að þessu sinni leika saman á víólu og flygil þær Helga Þórarinsdóttir og Dagný Björgvinsdóttir sem báðar eru kennarar við Tónlistarskólann og jafnframt þekktir og virtir listamenn.
Allir eru velkomnir.
Aðgangur ókeypis.
Yrsa Sigurðardóttir og Sólveig Pálsdóttir
Gunnar Kvaran og Selma Guðmundsdóttir