Nýjar reglur um afsláttarkjör barnafjölskyldna á Seltjarnarnesi er nýta dagforeldrakerfi, leikskóla eða Skólaskjól grunnskóla, tóku nýlega gildi. Nú hefur þjónustu dagforeldra verið bætt við þannig að fjölskyldur sem eiga börn hjá dagforeldrum og í leikskóla fá hærri niðurgreiðslu með systkininu sem er hjá dagforeldri.
Um nokkurt skeið hafa reglurnar gilt milli leik- og grunnskóla þannig að fjölskyldur sem átt hafa börn á þeim skólastigum hafa notið systkinaafsláttar.
Fjölskylda sem er með eitt barn í leikskóla og nýtir Skólaskjól grunnskólans fyrir annað barn fær þannig 25% afslátt fyrir annað barnið og 50% afslátt fyrir þriðja barnið. Það sama á að sjálfsögðu við ef öll börnin eru á sama skólastigi.
Sjá:
Reglur um niðurgreiðslur hjá dagmæðrum
Gjaldskrá leikskóla Seltjarnarness
Gjaldskrá fyrir Skólaskjól og skólamáltíðir