Hugmyndin að því að taka þátt í söfnuninni kom fram af því að söfnunin tengist námsefni sem við erum að læra í þemavinnu 8. bekkjar þessar vikurnar. Í þemanámi í Valhúsaskóla er unnið að samþættingu í náttúrufræði, samfélagsfræði og lífsleikni. Námsefnið í þemanáminu er kennt í lotum og þessa stundina er viðfangsefni þemanámsins mismunandi lífsskilyrði á jörðinni þar sem við berum saman lífsskilyrði og kjör einstaklinga í mismunandi heimshlutum og þá er að sjálfsögðu nauðsynlegt að kanna kjör Íslendinga.
Með þátttöku í söfnuninni og verkefnavinnunni í þemanu er markmiðið enn fremur að nemendur geti:
- tekið þátt í samfélagsmálum á ábyrgan hátt og beitt sér í málefnum sem varða almannaheill
- fengist við samfélagsleg og siðferðileg málefni af mismunandi sjónarhólum
- sett sig í spor fólks með ólíkan bakgrunn og viðhorf á ýmsum stöðum
- sinnt velferð og hag samferðafólks síns
Við viljum leggja okkar af mörkum og hjálpa íslenskum börnum sem búa við fátækt.
Sjá áheitasíðu 8. bekkjar Grunnskóla Seltjarnarness - Jólapeysan 2013
