Nemendur Valhúsaskóla hlupu í hinu árvissa skólahlaupi Valhúsaskóla í dag, byrjað var á hressandi upphitun áður en stormað var af stað út að golfvelli og til baka. Veðrið var hið fínasta í hlaupinu.
Hið árvissa skólahlaup Valhúsaskóla fór fram í dag þegar nemendur hlupu, hjóluðu eða gengu frá Vivaldivellinum út að golfvelli og til baka. Nemendur hituðu sig fyrst upp við dúndrandi danstónlist til að komast í gírinn og svo var stormað af stað í góðri stemningu og fínu veðri eins og sjá má á meðfylgjandi myndum.
