Í gær, fimmtudaginn 22. maí, kunngjörði Starfsmannafélag Reykjavíkur á fjölmennri samkomu, sem haldin var í Hörpu, að Seltjarnarnesbær hlyti nafnbótina Stofnun ársins Borg og bær árið 2014 í flokki minni stofnanna.
![Stofnun ársins 2014 Stofnun ársins 2014](/static/files/frettir/hnappar/xsmall/strv-stofnin-arsins-2014.jpg)
![Fyrirmyndarstofnun 2014 Fyrirmyndarstofnun 2014](/static/files/frettir/hnappar/xsmall/strv-fyrirmyndarstofnun-2014.jpg)
![Við útnefningu viðurkenninga um Stofnun ársins Borg og bær 2014 Við útnefningu viðurkenninga um Stofnun ársins Borg og bær 2014](/static/files/frettir/xlarge/valinmynd1.jpg)
Gunnar Lúðvíksson fjármálastjóra Seltjarnarness ásamt Garðari Hilmarssyni formanni St.Rv. og handhöfnum annars og þriðja sætis í minni stofnunum ársins við afhendinguna í Silfurbergi.
Þessi einstaki árangur þykir endurspegla þann kraft og metnað sem starfsfólk Seltjarnarnessbæjar býr yfir og er góð hvatning til að halda áfram á sömu braut og hlúa að því sem betur má fara. Viðurkenningarnar eru byggðar á stærstu reglulegu vinnumarkaðskönnun, sem framkvæmd er hér á landi og gefur mikilvægar upplýsingar um stöðu starfsmanna á vinnumarkaði. Í henni er leitað eftir viðhorfi félagsmanna til vinnu sinnar og yfirmanna, líðan þeirra í starfi, starfsumhverfi, tækjabúnað og hvernig samskiptum er háttað á vinnustaðnum. Sextíu og tvær stofnanir komust á lista í ár. Þykir könnun sem þessi gefa góða mynd af starfsumhverfi og starfsánægju starfsmanna stofnunar/fyrirtækis.
Þetta er í þriðja sinn sem Starfsmannafélag Reykjavíkur veitir slíka viðurkenningu, en fyrir liðlega ári síðan sameinaðist Starfsmannafélag Seltjarnarness Starfsmannafélag Reykjavíkur.
Val á Stofnun ársins og Fyrirtæki ársins er samvinnuverkefni SFR stéttarfélags, VR. og St.Rv. auk Starfsmannaskrifstofu fjármálaráðuneytisinsins sem tekur þátt í könnuninni fyrir alla starfsmenn.
Nánari upplýsingar um val á fyrirtækjum og stofnunum má finna hér: http://www.strv.is/stofnun-arsins---borg-og-baer/
Á myndunum má sjá starfsmenn Fjárhags- og stjórnsýslusvið Seltjarnarnessbæjar með verðlaunagripinn og viðurkenningarskjal.
![Gunnar Lúðvíksson og Baldur Pálsson Gunnar Lúðvíksson og Baldur Pálsson](/static/files/frettir/large/20140522_175042.jpg)
Gunnar Lúðvíksson fjármálastjóra Seltjarnarness og Baldur Pálsson fræðslustjóra Seltjarnarness með viðurkenningu fyrir Fyrirmyndarstofnanir árisins 2014.
![Fjárhags- og stjórnsýslusvið Fjárhags- og stjórnsýslusvið](/static/files/frettir/large/valinmynd.jpg)
Starfsmenn Fjárhags- og stjórnsýslusvið Seltjarnarnesbæjar, talið frá vinstri, efri röð: Stefán Bjarnason, Sigrún Halla Gísladóttir, Ingibjörg Ölvisdóttir, Alda Gunnarsdóttir, Gunnar Lúðvíksson. Neðri röð:;Gyða Jónsdóttir, Helga Vallý Björgvinsdóttir, Auður Daníelsdóttir og Ása Þórðardóttir