Auk þess kemur til greina þátttaka bæjarfélagsins með undirbúningsvinnu, vali á lagnaleiðum, samskiptum við íbúa eða teiknivinnu í landupplýsingakerfi samkvæmt nánara samkomulagi.
Seltjarnarnesbær vill með þessu stuðla að því að bæjarfélagið verði í fremstu röð hvað snertir aðgengi íbúa, fyrirtækja og stofnana að nýjustu og bestu samskiptatækni og breiðbandsþjónustu í anda stefnumörkunar ríkisstjórnar Íslands um upplýsingasamfélagið.
Seltjarnarnesbær áformar ekki að eiga viðkomandi net né reka það.
Samstarfsaðilinn mun eiga og reka netið og bera fulla ábyrgð á því.
Netið á að vera þannig að allir sem áhuga hafa á að veita þjónustu yfir netið skulu hafa jafnan aðgang að því og það á að ná til allra heimila og fyrirtækja í bænum.
Áformað er að koma á háhraða samskipta- og fjarskiptaneti sem næði til allra heimila og fyrirtækja í bænum. Netið verður opið öllum þeim sem hafa áhuga á að dreifa efni eða veita þjónustu sem krefst greiðra og hagkvæmra leiða.
Netið samanstendur af einingum sem saman mynda víðtækt þjónustunet. Gert er ráð fyrir að verkþættir verði tveir:
Ljósleiðaranet
Samskiptanet yfir ljósleiðarann
Samstarfsaðili sér um alla hönnun og verklegar framkvæmdir svo og allan rekstur þar með talið sölu- og markaðsmál og samskipti við efnis- og þjónustuveitur.
Áhugasamir aðilar þurfa að skila upplýsingum og gögnum sem nánar er lýst hér á eftir.
Nánari upplýsingar og gögn fást á bæjarskrifstofu.
Áhugasamir skili tillögum sínum í síðasta lagi 22. október 2004
Seltjarnarnesbær
Austurströnd 2
170, Seltjarnarnes
Sími: 5959-100
Fax: 5959-101
Tölvupóstfang: postur@seltjarnarnes.is
Verkefnisstjóri: Óskar J. Sandholt