Framkvæmdastjórar sveitarfélaganna á höfuðborgarsvæðinu undirrituðu í hádeginu í dag samkomulag um sameiginlega ferðaþjónustu fyrir fatlað fólk á höfuðborgarsvæðinu.
![Við undirritun samkomulags um ferðaþjónustu fyrir fatlað fól Við undirritun samkomulags um ferðaþjónustu fyrir fatlað fól](/static/files/frettir/medium/dsf7443.jpg)
Með sameiginlegri samræmdri ferðaþjónustu er stuðlað að samræmi milli sveitarfélaga og þjónustusvæða. Einstaklingum er gert kleift að fara allra sinna ferða og tryggja sjálfstæði fatlaðs fóks í þeim efnum gegn viðráðanlegu gjaldi. Félagsþjónustur sveitarfélaganna munu bera ábyrgð á verkefninu og meta hverjir nota þjónustuna og hve mikla þjónustu viðkomandi þarf.
Strætó ber ábyrgð á og annast alla umsýslu með rekstri ferðaþjónustu fatlaðs fólks á höfuðborgarsvæðinu í samræmi við ákvörðun sveitarfélaganna um fjölda notenda, fjölda ferða og hvaða sérþjónustu notandinn fær.
![Við undirritun samkomulags um ferðaþjónustu fyrir fatlað fólk Við undirritun samkomulags um ferðaþjónustu fyrir fatlað fól](/static/files/frettir/large/dsf7458.jpg)