Flest innbrot á höfuðborgarsvæðinu eru framin í miðborginni. Um 10 innbrot hafa verið tilkynnt til lögreglu á hverjum degi fyrstu átta mánuði ársins.
Flest innbrot á höfuðborgarsvæðinu eru framin í miðborginni. Um 10 innbrot hafa verið tilkynnt til lögreglu á hverjum degi fyrstu átta mánuði ársins.
Langflest þeirra voru framin á höfuðborgarsvæðinu þar sem þjófar girnast dýr tæki á borð við flatskjái, tölvur og myndavélar sem auðvelt er að koma í sölu. Samkvæmt nýjum gögnum frá lögreglunni eru flest innbrot sem tilkynnt eru framin í miðborginni.
Fyrstu átta mánuði ársins var tæplega 300 sinnum brotist inn í miðbænum. Á höfuðborgarsvæðinu var sjaldnast brotist inn á Álftanesi og Seltjarnarnesi. En Seltjarnarnesið er í raun eina hverfið á höfuðborgarsvæðinu þar sem innbrotum fækkar frá í fyrra.