Kári Húnfjörð Einarsson hefur verið ráðinn skólastjóri Tónlistarskóla Seltjarnarness frá 1. ágúst 2014.
![Kári Húnfjörð Einarsson Kári Húnfjörð Einarsson](/static/files/frettir/small/kari.jpg)
Kári hefur lokið meistaranámi í tónlistarkennslu frá Northwestern University, Illinois, USA. Í hlutverki aðstoðarskólastjóra hefur Kári starfað náið með núverandi skólastjóra skólans, Gylfa Gunnarssyni, og hefur því góða innsýn í skólastarfið, uppbyggingu þess og skipulag. Hann hefur komið að ákvarðanatökum varðandi flesta þætti starfsins og þekkir mjög vel til starfshátta. Þá hefur Kári ræktað góð tengsl við samstarfsaðila skólans og tekið virkan þátt í menningarlífi Seltjarnarnesbæjar í áraraðir.