Fyrsti áfangi af fjórum í gagngerum endurbótum á gangstéttum og götum bæjarins hefur verið boðinn út. Gengið hefur verið til samninga við verktakafyrirtækið Brotaberg um 1. áfanga verksins.
Fyrir liggur nákvæm úttekt ráðgjafa bæjarins á ástandi allra gatna í bænum sem verður til grundvallar endurbótunum sem standa munu næstu fjögur árin.
Verkefnið felst meðal annars í endurgerð allra gangstétta ýmist með steypu eða hellulögnum og endurnýjun allra ljósastaura í íbúagötum. Áætlað er að verkefnið í heild kosti um 400 milljónir króna.
Í bígerð er að gefa út kynningarrit þar sem fram koma tímasetningar um framkvæmdir í hverri götu og íbúahverfi fyrir sig. Á þessu ári stendur meðal annars til að endurnýja gangstéttir á Sæbraut, Sólbraut, Selbraut og Skerjabraut. Á gatnagerðarátakið hefur ekki áhrif á annað árlegt viðhald á gatnakerfi bæjarins.