Mikil ánægja ríkir meðal nemenda í Mýrarhúsaskóla með ný leiktæki sem sett voru upp á skólalóðinni í sumar.
Mikil ánægja ríkir meðal nemenda í Mýrarhúsaskóla með ný leiktæki sem sett voru upp á skólalóðinni í sumar. Tilkoma þeirra var skref í endurnýjun lóðarinnar, en hluti hennar var endurgerður árið 2009.
Sett var upp klifurgrind, í stað leikkastala sem stóð á lóð Gamla Mýrarhúsaskóla, auk tveggja annarra leiktækja. Fulltrúar nemenda í skólaráði tóku þátt í vali á leiktækjunum, sem hafa sannað vinsældir sínar á skólalóðum víða um land.
Leiktækin uppfylla allar öryggiskröfur sem gerðar eru til leiktækja á opinberum leiksvæðum varðandi öryggisstaðla og fallundirlag.