Í síðasta mánuði var keypt ný stökkbraut fyrir fimleikadeild Gróttu. Endurnýjun brautarinnar hafði staðið til um nokkurn tíma þar sem gamla brautin var orðin úr sér gengin. Brautin kostaði um 1600 þúsund og veitti Seltjarnarnesbær fimleikadeildinni 900 þúsund króna styrk til kaupanna. Fimleikadeildin sá síðan um að brúa bilið með fjáröflun af ýmsu tagi.
Í síðasta mánuði var keypt ný stökkbraut fyrir fimleikadeild Gróttu. Endurnýjun brautarinnar hafði staðið til um nokkurn tíma þar sem gamla brautin var orðin úr sér gengin. Brautin kostaði um 1600 þúsund og veitti Seltjarnarnesbær fimleikadeildinni 900 þúsund króna styrk til kaupanna. Fimleikadeildin sá síðan um að brúa bilið með fjáröflun af ýmsu tagi.
Stjórn fimleikadeildarinnar hefur haldið uppi öflugu starfi og hefur Grótta á að skipa nokkrum af reyndustu þjálfurum landsins. Eins og kunnugt er varð meistarahópurinn bikarmeistarar í fyrra ásamt því að verða Íslandsmeistarar og hreppa annað sætið á því móti. Tromphópurinn sem notar nýju stökkbrautina mikið náði unglingameistaratitli á síðasta ári og stefnir að góðu gengi í ár. Framundan er mikil mótahrina og því gott að fá stökkbrautina í gagnið.