Íbúafundur var haldinn þriðjudaginn 24. nóvember sl. í Grunnskóla Seltjarnarness - Valhúsaskóla.
Íbúafundur var haldinn þriðjudaginn 24. nóvember sl. í Grunnskóla Seltjarnarness - Valhúsaskóla.
Þar fóru Ásgerður Halldórsdóttir bæjarstjóri yfir helstu verkefni bæjarins og Gunnar Lúðvíksson verkefnisstjóri á fjárhags- og stjórnsýslusviði yfir helstu atriði er varða fjárhagsáætlunarferli, forsendur, þróun og kostnað. Ljóst er að bregðast þarf við 5-10% tekjusamdrætti á komandi ári.
Í framhaldi af inngangi þeirra Ásgerðar og Gunnars unnu bæjarbúar í hópum og skiluðu inn fjölmörgum tillögum. Hér má sjá afrakstur fundarins, en um 400 tillögur bárust frá bæjarbúum. Ýmist voru þetta tillögur um hagræðingu eða tillögur um þjónustu eða verkefni sem bæjarbúar telja vert að standa vörð um. Þá hafa bæjarbúar verið hvattir til að senda inn hagræðingartillögur á vef bæjarins sem eru einnig birtar.
Sjá tillögur til sparnaðar og tillögur um það sem standa á vörð um.