Mesta kuldakast í sjö ár er yfirvofandi. Íbúar eru hvattir til að gera eftirfarandi ráðstafanir á heimilum sínum til að hitaveitan standist álagið og forða skemmdum. Sjá nánar:
Í ljósi þess að næstu daga stefnir í eitt mesta kuldakast á suðvesturhorni landsins síðan árið 2013 en til viðbótar við mikið frost er gert er ráð fyrir töluverðum vindi sem veldur mikilli kælingu. Íbúar eru eindregið hvattir til að gera ráðstafanir á heimilum sínum til að aðstoða við að hitaveitan þoli álagið og forða skemmdum.
Fólk er hvatt til að gera eftirfarandi:
- Hafa glugga lokaða
- Hafa útidyr ekki opnar lengur en þörf krefur
- Láta ekki renna í heita potta
- Stilla ofna svo þeir séu heitir að ofan en kaldir að neðan
- Varast að byrgja ofna, t.d. með síðum gluggatjöldum eða húsgögnum
- Bæta ekki auka vatni inn á snjóbræðslukerfi